Iha enkontru ne’e, Xefe Governu introduz programa tomak husi Governu Konstitisionál dadia nian durante tinan liman nia laran sei foku ba kontrusaun estadu no nasaun, tanba ne’e Konvida investidór Xina atubele mai loke investimentu iha Timor-Leste (TL).

“Ha’u fó hatene ba setór privadu iha Governu tinan lima nia mandatu atu dezenvolve ekonomia ho husu ba investe iha saida de’it mak sira bele”, informa PM Xanana hafoin enkontru ho setór privadu Xina iha Otél, Sofitel sidade Hangzhou Provinsia Zheuhiang- Xina.

Tanba Timor-Leste presiza tebes investimentu estranjeiru ne’ebé bele tulun dezenvolvimentu infraestrutura no ekonomia povu Timor-Leste.

Xefe Governu dehan, governu dasia iha kumpromisipiu boot dadaun ne’e halo reforma ba ninia lei investimentu no buka fasilita sistema ne’ebé seguru hodi fó fiar ba setór privadu estranejeru husi Asosiasaun Nasoins Sudeste Aziátiku (ASEAN) no ASIA inklui Europa bele loke investimentu.

PM Xanana husu buat ne’ebé Timor-Leste presiza liu maka investimentu infraestrutura estrada, bee-moos, portu, aeroportu, agrikultura, peskas, setór mina no gas nian liuliu esplorasaun greater sanrise no seluk tan.

“Setór privadu sira ne’e ba Timor atu haree iha área saida de’it mak sira bele halo, ita sei fó ajuda iha área oioin de’it”, dehan PM Xanana.

Xefe Governu Xanana rekoñese Timor-Leste sei enfrenta problema barak iha setór oioin no rekursu umanu, maibé povu no nasaun iha mehi boot atu hadi’a rai ne’e la’o ba oin ho apoiu setór privadu estranjeiru sira nia investimentu.

“Ami presiza tebes investimentu atu hadi’a infraestrutura no dezenvolvimentu Timor-Leste”, dehan Xanana durante enkontru ho Emprezariu kuaze nain-20 iha Otel Sofitel.

Durante enkontru, setór privadu jigante husi nasaun Xina, Macau, Singapura introduz mós sira-nia profile kompaña nian ne’ebé intersante hakarak loke investimentu iha Timor-Leste tuir área hirak ne’ebé xefe governu aprezenta,

Enkontru ne’e, akompaña direita husi Ministru Administrasaun Estetal, Tomás do Rosario Cabral, Ministru Planeamentu Investimentu Estratéjiku, Gastão de Sousa, Ministru Juventude Desportu Arte no Kultura, Nelio Issac Sarmento no setór privadu reprezenta husi Eis Prezidente Camara Comersiu Industria Timor-Leste (CCI-TL) nu’udar mós Diretór Kompaña Aero Dili, Lorenço de Oliveira, Embaixadór Timor-Leste ba Xina, Abrão Santos no Adido Komersui Indistria Timor-Leste ba Xina, Benjamin “SAIMESAK”

Enkontru ne’e termina ho PM Xanana mós entrega tasi no kafé Timor-Leste ba setór privadu sira hanesan lembrasa husi Timor-Lesta ba Emprezáriu Xineza sira. (*)