Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO), Luís Roberto husu povu atu halo reflesaun iha uma, liga ho selebrasaun (loron 30 fulan-Agostu tinan 1999) kona-bá Konsulta Populár dala-22.

Tempotimor (Díli)-Reprezentante Komunidade iha Suku Makalaku, Laurinda dos Santos hatete, komunidade sira iha suku Makalaku, Postu Administrativu Kelikai, Munisípiu Baukau, iha tuku tolu madrugada hahú hader hadau malu iha bee matan hodi kuru bee-moos tanba hader tarde lori fali la konsege hetan bee-moos.

Tempotimor (Dili)-Sentru Integradu Jestaun ba Krize (SIJK) rejistu tan timoroan mate ho Covid19 hamutuk na'in-3 no kazu ativu iha 4.554.

Tempotimor (Dili)-Sekretáriu Estadu Kooperativa (SEKoop), Elizário Ferreira, promete sei fasilita formasaun tékniku kona-ba operasaun ró nian ba membru Kooperativa Peska Sol Nasendo Valusere iha Suku Tutuala, Postu Tutuala, Munisípiu Lautein.

Tempotimor (Dili)-Xefe Suku Makalaku, Julio Marques Belo hatete, komunidade uma-kain 193 iha Suku Makalaku, Postu Administrativu Kelikai, Munisípiu Baukau durante ne’e seidauk asesu ahi-eletrisidade.

Tempotimor (Dili)-Koordenadór Merkadu Tasibessi, António Manuel de Araújo hatete, Governu liuhusi Autoridade Munisípiu Dili presiza hala'o reabilitasaun ba fasilidade tanba kondisaun Merkadu Taibessi at dadauk ona.

Tempotimor (Dili)-Komunidade Suku Batara, Postu Administrativu Laklubar, Munisípiu Manututo, preokupa bainhira rona Governu liuhosi Konsellu Ministru (KM) aplika tan Konfinamentu Domisiliáriu Jerál iha Munisípiu Dili, tanba bandu povu ki'ik atu halo'o viajen hodi buka osan.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun iha loron 28 fulan-agustu tinan 2021 hamutuk 276 no mate na'in-1.

"Kazu detetatu foun ne’ebé relata ohin, loron 28 Agostu 2021 na'in-276 (iha Dili 197, Baukau 30, Covalima 10 ho munisípiu seluk hamutuk 39) mane 146, feto 130.Totál óbitu na'in-1", dehan nia liuhusi komunikadu imprensa, sábadu (28/08).

Husi totál kazu detetadu foun hirak ho idade tinan 20 na'in-50 (18%) ho idade entre tinan 12-59 na'in-217 (78,6%) ho idade 60 na'in-9, 1123 kazu ka 44,5% mak sintomátiku (hatudu sintomas), 102 (37%) iha ona vasina kompletu 49 (18%) hetan ona vasina doze dahuluk, kazu rekuperadu 125, kazu ativu 4.523 no totál kazu konfirmadu kumulativu iha 28 Agostu 2021 (sura husi 21 Marsu 2020) hamutuk 16.236.

Entretantu óbitu ne’ebé relata iha loron 28 fulan-agustu na'in-1 (ida), ho detalle hanesan feto ho idade tinan 76, Timoroan, hela iha Dili seidauk vasina iha 28 Agostu 2021diagnóstikadu iha Emerjénsia HNGV ho sindroma insufisiénsia respiratória aguda (SIRA).

Matebian iis-kotu iha madrugada 03h03 tanba respiratoric failure/parajen respiratória. Rezultadu PCR hafoin iis-kotu CT:22,8. Família rejeita atu hala’o funeral tuir protokolu ne’ebé adopta iha Timor-Leste.

Hahú husi loron 27 to’o 28 Agostu, hamutuk hotu Laboratóriu Nasionál Saúde (LNS) halo 655 testes PCR iha Dili ho detalla hanesan Vijilánsia sentinela 82, Rastreiu ba kontaktu (Contact tracing) 308, Rastreiu Aleatóriu (Random Screening) 145, Viajen sai husi serka sanitária munisípiu Dili 94, Viajen internasionál 1 no follow up iha kuarentena 25.

Rezultadu teste PCR ne’ebé halo iha loron 27 Agostu iha munisípiu sira seluk REAOA HNGV hamutuk 367 ho detalle hanesan Baukau 151, Ermera 6, Maliana 51, Maubisse 26, RAEOA 15, Covalima-Suai 38, Vikeké 8, Lautein-Lospalos 4 no HNGV 68. (*)

Tempotimor (Dili)-Koordenadór Merkadu Taibessi (KMT), António Manuel de Araujo hatete, merkadu Taibessi sei limita asesu transporte públiku sira-nian durante aplikasun regra konfinamentu domisiliáriu jerál iha munisípiu Dili.

Tempotimor (Dili)-Prezidente Klibur Tane Aas Obra Maun Boot Kay Rala Xanana Gusmão (MBKXG), Amaro da Costa 'Susar', hirus tanba deskonfia 'Kiak' estraga (lees) sasán (Banner) ne'ebé asina direta husi Prezidente Partidu Congresso Nacional de Reconstrução de Timor (CNRT), Kay Rala Xanana Gusmão.