“Fasilidade bá merkadu Taibessi primeiru, ita haree ahi (eletrisidade) mate hotu, segundu, portaun terminál, iha serka hanesan ne’e, ita agora uza maneira par ita bele taka lai, nomós besi valeta balun iha estasionamentu presiza hadi’a,” dehan nia iha servisu fatin taibessi, sabadu (28/8).

Tanba kestaun Eletrisidade avaria komesa iha tinan 2020, to'o agora seidauk haria hikas tanba haree mós bá situasaun governu nian.

Maibé, agora iha ona tékniku balun husi autiridade munisípiu Dili nian mai haree katak, fó ona bá iha kompañia sira atu mai halo, iha ne’e tékniku sira mai haree diretamente, ne'ebe akompaña husi ekipa merkadu Taibessi.

Ho ida ne'e, parte tekniku sira sei lori bá hato'o iha munisípiu depois iha ne’ebá mak hafoin entrega prosesu sira ne'e ba kompañia hodi prepara dezeñu ho Bill of Quantity (BoQ), nune’e bele hahú ezekuta obra.

Purtantu, ba fasilidade seluk kona-ba haris fatin no sintina iha merkadu Taibessi, antes ne’e avaria, maibé autoridade munisípiu Dili konsege hadi’a fali ona.

Nune'e, autoridade munisípiu Dili kontrata ona kompañia balun, atu supa foer sira ne'ebe pessu laran, kada semana supa dala rua ho kareta tanki 6.(*)