"Ita-nia populasaun iha ne'e aldeia rua mak Aldeia Bokilai no Defada'e 185 kepala keluarga (KK), no Aldeia Makalira uma-kain 8 mak seidauk asesu ba eletrisidade”, informa Xefe suku ba www.tempotimor.com liuhusi telefone, sábadu (28/08).

Maske Aldeia Makalira populasaun maioria asesu ona ahi-eletrisidade hahú tinan 2017 to'o agora, maibé uma-kain balun seidauk.

Ba problema ne’e autoridade lokál halo ona proposta ba ministériu kompetente atubele responde situasaun ne’ebé komunidade sira enfrenta maibé seidauk iha resposta.

"Iha Janeiru ne'e ita hatama ona proposta ba ministériu kompetente maibé seidauk iha resposta to'o agora ne'ebé ita hein deit”, dehan nia.

Nune'e estrada iha Suku refere mós difikulta populasaun sira atu lori produtu lokál hodi ba fa’an iha merkadu Kelikai no Baukau. (*)