Login to your account

Username *
Password *
Remember Me

Timoroan Na'in-3 Mate tan ho Covid-19, Kazu Ativu 4.554

Kazu Covid-19 iha Timor-Leste. Kazu Covid-19 iha Timor-Leste. Foto Suplay

Tempotimor (Dili)-Sentru Integradu Jestaun ba Krize (SIJK) rejistu tan timoroan mate ho Covid19 hamutuk na'in-3 no kazu ativu iha 4.554.

"Totál óbitu ne’ebé relata ohin, loron 29 Agostu 2021 na'in-3 (tolu) Mane ho idade tinan 70, Timoroan hela iha Dili, vasina seiduak kompletu, iha 20 Agostu 2021 diagnóstikadu iha HNGV ho sindroma insufisiénsia respiratória aguda (SIRA) tanba Covid-19 no kazu ativu Covid-19 hamutuk 4.554", informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, sábadu (29/08).

Matebian hala’o tratamentu iha Lahane tuir protokolu ne’ebé iha. Matebian iis-kotu horikalan (28/08) 20h20 tanba respiratoric failure/parajen respiratória. Mane ho idade tinan 89 Timoroan hela iha Dili no iha 22 Agostu 2021 diagnóstikadu iha HNGV ho sindroma insufisiénsia respiratória aguda (SIRA) tanba Covid-19, matebian hala’o tratamento iha Vera Cruz, matebian iis-kotu horikalan 22h30 tanba respiratoric failure/parajen respiratória.

Iha mós mane ho idade tinan 72 Timoroan hela iha Maliana seiduak vasina iha 27 Agostu 2021 diagnóstikadu iha Maliana ho sindroma insufisiénsia respiratória aguda (SIRA) tanba Covid-19. Matebian sofre mós moras kankro próstata ho metastaze ba orgaun seluk iha isin. Iha loron ne’e kedas matebian hala’o izolamentu iha Maliana. Matebian iis-kotu horikalan 19h00, tanba multiple organ faiure/falénsia orgaun barak.

Familía kordena hela ho ekipa saúde atu hala’o funerál tuir protokolu ne’ebé adopta iha Timor-Leste.

Entretantu Kazu detetatu foun 166 (iha Dili 119, Aileu 13 no munisípiu seluk hamutuk 34) mane 91, feto 75 ho idade tinan 20 na'in-31 (18,6%) ho idade entre tinan 12-59 na'in-127 (76,5%) ho idade 60 na'in-8, 65 kazu ka 39,1% mak sintomátiku (hatudu sintomas), kazu rekuperadu 132 no totál kazu konfirmadu kumulativu iha 29 Agostu 2021 (sura husi 21 Marsu 2020) hamutuk 16.402.

Husi loron 28 to'o 29 Agostu, hamutuk hotu Laboratóriu Nasionál Saúde (LNS) halo 335 testes PCR iha Dili ho detalla hanesan Vijilánsia sentinela 9, Rastreiu ba kontaktu (Contact tracing) 179, Rastreiu Aleatóriu (Random Screening) 30, Viajen sai husi serka sanitária munisípiu Dili 94, Viajen internasionál 0 no follow up iha kuarentena 23.

Rezultadu testes PCR ne’ebé halo iha loron 28 Agostu iha munisípiu sira seluk REAOA HNGV, hamutuk 235 ho detalle hanesan Baukau 71, Ermera 9, Maliana 16, Maubisse 26, RAEOA 13, Suai 10, Vikeké 33, Lautein-Lospalos 0 no HNGV 58. (*)

Rate this item
(0 votes)
Last modified on Monday, 30 August 2021 00:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter