"Ha'u hatete ona iha Klibur katak sei laiha Tolera ba Kiak ida ne'e, nia abut saida mak iha, lakonsidera Xanana la konsidera ha'u. Ha'u ne'e la'o atividade barak konsolidasaun ne'e, iha ne'e hamrik hela ho ema, enkontru ne'e buat parte ketak ida, iha situasaun normál ita foin enkontru, agora ema povu husu ita atu ba ko'alia ho sira, ita ba lees fali sasán estadu nian tanba saida?. Ne'e asina husi Xanana labele lori beik hanorin ha'u kuandu nia beik ha'u beik liu hanesan Kiak ne'e ha'u nein hakfodak atu satu meter mós la hakfodak", Susar ko'alia ho hirus iha gravasaun ne'ebé www.tempotimor.com asesu iha sábadu (28/08).

Maibé Prezidente Klibur Tane Aas Obra-MBKXG husu ba membru sira atu labele hakfodak tanba hahalok ne'ebé hatudu, konsidera pihak ketiga ne'ebé mak atu sobu Klibur Obra Maun Boot Kay Rala Xanana Gusmão.

"Hakarak ami rua empat mata iha estadiun, ha'u lakohi ema keta halimar ha'u. Klibur ne'e Xanana nia no povu ninia kusta ka nia inan aman nia abon mak hahoris klibur ne'e ka fó hatene ha'u la respeitu ona nia. Agora nia beik ha'u beik liu, ha'u la hakfodak ba ema ida ne'e nia ne'e pihak ketiga mak mai sobu ita lalika hakfodak. Obrigado barak", haktenik nia.

Relasiona ho informasaun ne'e, sábadu (28/08) www.temptimor.com ba direta iha Sede Sekretariadu Nasionál klibur hodi konfirma informasaun refere, maibé odamatan taka hela.

Bainhira www.tempotimor.com konfirma ho pesoál balun ne'ebé mak hela besik Sede Sekretariadu Nasionál refere katak iha horisehik (26/08) kalan mak akontese problema maibé problema refere kona-ba assuntu saida nia rasik mós la hatene.

"La'e, horikalan laiha, horibainrua (26/08) kalan iha maibé tanba saida mak ne'e ha'u mós la hatene", dehan nia.

Tuir observasaun iha terenu banner ne'ebé mak taka iha Sede Sekretariadu Nasionál Klibur nia oin mak laiha ona no dadaun ne'e odamatan Klibur nian taka hela. (*)