Iha vizita ne'e akompaña husi reprezentante Administradór Postu Administrativu Tutuala, Albino de Araujo, vizita kortézia ba Kooperativa Peska Sol Nasendo Valusere iha Suku Tutuala, Postu Tutuala.
Husi vizita ne'e atu observa direita dezafiu no progresu Kooperativa nian, nomós vizita ne'e hanesan motivasaun ida hodi nune'e dezevolve-an nafatin atu kontribui ba kresimentu ekonomia familiar.
Iha Vizita ne'e ne'e mós SEKoop identifika problema durante ne'e hasoru mak menus kuiñesementu kona-ba operasaun ró nian hodi nune'e iha tempu sei fasilita formasaun téknika nian sei ba membru Kooperativa sira, liu kona-ba operasaun ró nian.
"Iha tinan 2019 parte husi SEKoop apóiu ró rua ba Kooperativa Peka nian, entaun parte husi Sekretáriu Estadu Kooperativa kompromete sei halo manutensaun ba hirak ne'e, nomós fasilita formasaun téknika kona-ba operasaun ró nian ba sira", afirma Elizário iha Valusere, Tutuala, tersa (24/08).
Prezidente Kooperativa Peska Sol Nasindo, Adriano da Costa, sente kontente ho prezensa SEKoop nian iha sira-nia fatin, hodi haree direita kondisaun Sede Kooperativa aumezmu tempu observa direita kondisaun ró rua ne'ebé apóiu ba sira.
iha ne'e mós rekomenda ba SEKoop atu fasilita formasaun kona-ba akuntabilidade, nomós formasaun tékinka ba operasaun ró nian.
Ekuantu Kooperativa Peska ne'e iha ninia membru hamutuk ema na'in-37, dadaun ró hirak ne'e lahalo operasaun tanba situasaun pandemia covid-19. (*)