Tempotimor (Covalima)-Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira  Jerónimo, lansa Programa Naroman ba Suku iha suku Dato-Tolu, Postu Administrativu Fohorem, Munisípiu Covalima.

“Programa Naroman ba Suku ne'e, primeiru sei fasilita komunidade no joven sira liuhusi kapasitasaun iha área jornalizmu oinsá sira bele kobre potensialidade ne’ebé suku iha hanesan agrikultura, turizmu no rekursu importante seluk”, dehan Ministru Francisco iha suku Dato-Tolu, Postu Administrativu Fohorem, Munisípiu Covalima, kinta (5/08).

Tanba Governu nia programa ne'e lori ba povu nia leet, hodi rona povu nia hakarak, atu hatene komúnidade sira-nia preokupasaun, rona saida mak komunidade sira hakarak aprezenta ba governu.

Tuir planu governu iha povu nia leet ho Programa Naroman ba Suku, no hili suku sira ne'ebé hela iha área remota.

“Atu nune'e motiva ita-nia komunidade sira motiva ita-nia populasaun ida atu sente labele izoladu, atu nune'e dezenvolvimentu ne'ebé la'o dadaun ne'e mós bele hakat to’o iha sira-nia fatin, tanba ne'e ita lori Programa Naroman ba Suku mai iha Dato-Tolu”, afirma Ministru.

Tanba ida ne'e meius ne'ebé mak governu hakarak halo, nune'e hakbesik-an ba povu nomós povu bele koñese no hahú intende malu oinsá mak bele dezenvolve rai ida ne'e liliu saida mak bele akontese iha suku Dato-Tolu.

“Programa ida ne'e ki'ikoan ida ne'ebé mak ami bele halo ba ita-boot sira ida ne'e buat ki’ik ida ne'ebé ami halo ba ita-boot sira, ami hein katak ida ho ki’ik ne'e tau hamutuk no loron ida sei sai boot”, hatete nia.

Xefe Suku Dato-Tolu, João Agostinho Resi, sente orgullu ho programa Governu nia tanba bele hasai suku husi izoladu no tama iha suku dezenvolvimentu.

“Hodi komúnidade datoluk nia naran hato'o agradese uain tebes ba programa Oitavo Governu nia ne'e, tanba suku ida ne'e uluk okupasaun Indonézia to’o mai ukun-an ema temi hanesan suku mais izoladu iha Munisípiu Covalima”, dehan nia.

Partisipa iha atividade lansamentu ne'e, Administradór Postu Administrativu Fohorem, Prezidente TATOLI,ip, ekipa TIC, Komadante Eskuadra PNTL Fohorem, Diretór Planeamentu no Diretór DNDI, asesór MAPKomS, Xefe suku, Xefe Aldeia, Komúnidade no entidade relevante sira seluk. (*)

Tempotimor (Dili)-Komisaun Anti Korrupsaun (KAK) sei halo investigasaun ba orsamentu millaun US$14 ne'ebé Autoridade Rejiaun Administrativa Espesiál Oekussi Ambeno (RAEOA) seidauk ezuta ba konstrusaun Ró Haksolok.

Tempotimor (Dili)-Komisáriu Komisaun Anti Korrupsaun (KAK), Sergio de Jesus Fernandes da Costa Hornai, husu ba funsionáriu sira atu rezigna-an bainhira laiha ona kbi'it hodi investiga kazu atu krrupsaun.

Tempotimor (Dili)-Komandu Polísia Nasionál Timor-Leste (PNTL) liuhusi Unidade Patrullamentu Fronteira (UPF) kaptura sidadaun timoroan na’in-7 ne’ebé tenta liu dalan ilegál ba hasa’e sabuk Iha nasaun Indonézia.

Tempotimor (Dili)-Xefe Suku Fatuhada, Marcelino Soares lamenta Governu apoiu material konstrusaun ba komunidade afeitadu inséndiu iha Eis Merkadu Komoro, foin lalais ne'e.

Tempotimor (Dili)-Koordenadór Forsa-Tarefa ba Prevensaun  no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 ativu 1.160 no kazu rekoperadu iha loron 5 fulan-Agostu tinan 2021 hamutuk 14.

Tempotimor (Dili)-Primeiru Ministru (PM), Taur Matan Ruak deklara, governu iha modelu foun ba prosesu ezekusaun Orsametu Jerál Estadu (OJE) 2021, tanba haree liuba rezultadu maibé laharee ba gastu sira.

Tempotimor (Dili)-Xefe Suku Fatuhada, Marcelino Soares, hatete komunidade kuaze atustolu-resin (300) dadaun ne’e seidauk simu apoiu husi programa sesta báziku.

Tempotimor (Dili)-Grupu Aliansa Feto Timor-Leste (GAFTL) hakarak Prezidente Parlamentu Nasionál (PN), Aniceto Longuinhos Guteres Lopez, fó priodade ba diskusaun no aprovasaun projetu-lei Protesaun Labarik no Joven iha Perígu (PLJP) ne'ebe inisia husi Komisaun F.

Tempotimor (Dili)-Autoridade Lokál liliu Xefe Suku Fatuhada, Marcelino Soares, konsidera atividade prostituisaun bele akontese iha Eis Merkadu Komoro.