Login to your account

Username *
Password *
Remember Me
Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Tempotimor (Dili)-Governu liuhusi reiuniaun Konsellu Ministru (KM) iha loron 4 fulan-agostu tinan 202, aprova hodi aplika Serka Sanitária ba Suku Naimeco, no Suku Bobometo, iha Rejiaun Administrativa Espesiál Oekuse Ambenu (RAEOA).

Comment

Tempotimor (Dili)-Sekretária Estadu Kooperativa (SEKoop) selebra Memorandum of Inderstanding (MoU) ho Governu Kuba liuhusi kompaña estatál ida, ba kooperasaun iha área importante haat (4).

“Asinatura ida ohin ne'e entre Diretór Jerál (SEKoop) ho Diretór Kompaña Estatál ida husi parte Ministériu Agrikultura e K|ooperativa Kuba ninian, halo kooperasaun ba área haat hanesan Agrikultura, peska, Agro-pekuaria, e transporte públiku, inklui ho dezenvolvimentu teknolójiku”, dehan Sekretáriu Estadu Kooperativa (SEKoop), Elizário Ferreira, hafoin asiste serimónia asina nota kooperasaun iha Akait, kuarta (04/08).

Tanba kooperasaun ida ne'e, ema bolu dehan kooperasaun ida tékniku ho diskusaun ne'ebé sira halo, presiza iha espesialista ruma atu eduka, forma no akompaña organizadór liliu dirijente sira kooperativa nian iha nível postu, suku no aldeia atubele hala’o serbisu ida ne'ebé di'ak, halo dezenvolvimentu kooperativa ida ne'ebé sustentável no asegura estabilidade finanseira no ekonómika iha vida kooperativa.

“Segundu, iha mós klauzala ba estudu komparativu no interkambiu ba juventude liliu ba kooperativista sira, atu nune'e parte rua bele aprende ba malu oinsá atu dezenvolve kooperativa liliu iha Timor atu nune'e bele kontribui ba kresimentu nasionál no redusaun ba dezempregu iha ita-nia rain”, hatete Elizário.

Kona-ba dezenvolvimentu agrikultura iha Timor-Leste, iha post distribuisaun ai-hán Sesta Bázika, iha produsaun barak mak aumentu, maibé preukupasaun ida ne'ebé mak parte kooperativa preukupa mak merkadu.

“Oinsá mak atubele asegura produsaun ne'e, ho merkadu ida ne'ebé sustentável ba produtór sira e nune'e mós produtór sira labele produz tanba de'it iha produsaun ne'ebé governu sosa, depois laiha tan produsaun. Entaun, edukasaun ne'e atu eduka ema hothotu atubele produz ho sustentável atu nune'e bele oferese ba merkadu ne'ebé mak seguru e sustentável mós iha ita-nia rain”, dehan nia.

Benefísiu husi akordu kooperasaun ho governu Kuba ne'e, primeiru mak formasaun, tanba ema ladun iha koñesimentu kona-ba utilizasaun ba ekipamentu sira ne'ebé mak pezadu ka modernu ba área agrikultura nian.

“Entaun, sira mai suporta ita atu ita-nia ema bele hetan koñesimentu di'ak ba utilizasaun ekipamentu sira. Segundu, matenek ne'ebé mak ita laiha, entaun ho espesialista sira-nia matenek ne'e bele hasa'e liután ita-nia ema sira, dirijente kooperativa sira, kooperante sira-nia koñesimentu atubele dezenvolve kooperativa ho di'ak hodi kontribui ba dezenvolvimenu nasionál. Ida ne'e benefísiu ida ne'ebé mak sustentável e longu prazu”, esplika nia.

Aldeinde ne'e, kona-ba peska nian sira iha ona federasaun ida ba kooperativa peska ne'ebé mak estabelese husi tinan 2013 liuba. Maibé, durante ne'e federasaun refere la funsiona instituisaun, tanba hanesan fali fa'an ikan, no la'ós funsiona hanesan organizasaun ida sekundária.

“Tanba ida ne'e mak ho reforsu sira ne'e bele motiva no insentiva liután organizadór sira ka dirijente sira federasaun nian atubele maneja federasaun ne'e hanesan instituisaun ida ne'ebé atu sai mahon ba primáriu sira ne'ebé maka mai husi kooperativa peskas ne'ebé adere ba sira, atu nune'e sira bele dezenvolve di'ak liután e bele mós promove futuru ida ne'ebé iha kooperasaun ba industrializasaun ikan nian iha futuru. Tanba ida ne'e mak ho prezensa asinatura ida ne'e bele hasa'e liután kapasidade ba ita-nia peskadór sira”, haktenik nia.

Akordu kooperasaun iha área haat ne'e, hala'o durante tinan lima, hafoin bele halo fali renovasaun tuir nesesidade ne'ebé mak presiza.

Entretantu, akordu kooperasaun ne'e, asina direta husi Diretór Jerál ba Kooperativa SEKoop, Francisco Xavier, ho reprezentante Embaixadór Kuba, José Ernesto Díaz Pérez, hanesan Sekretáriu Terseiru husi Embaixada Repúblika Kuba nian iha Timor-Leste. (*)

Comment

Tempotimor (Díli)-Ministru Obras Públiku, Salvador Soares Dos Reis Pires hatete, Minisériu seidauk iha planu prioridade ba estrada diresaun husi Munisípiu Vikeke ba Postu Administrativu Uatulari.

Comment

Tempotimor (Dili)-Diretór Yayasan HAK, Sisto dos Santos, nota estadu viola diretu prizioneru ne'ebé ho estatu prevenetiva, tanba balun kumpre prizaun tinan 4 ona, maibé autoridade judisiál seidauk define julgamentu ba sira-nia kazu.

Comment

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, konsidera normal prosesu Timor-Leste (TL) seidauk tama iha Assosiasaun Nasaun Sudeste Azuátiku (ASEAN).

Comment

Tempotimor (Dili)-Ministériu Asuntu Parlamentár no Komunikasaun Sosiál (MAPKomS), Francisco Martins Jerónimo, kompremetidu bainhira instalasaun sistema Dijital Transmisaun Multimedia Terrestre (DTMT) ne'e remata, sei koopera ho governu Xina atubele distribui sasán sira ne'e iha merkadu hodi bele fasilita komunidade sira atu sosa.

“Bainhira buat sira ne'e la'o hotu ona, automatikamente sasán sira ne'e iha merkadu mós iha, hanesan set box, reciver, antena sira ne'e sei iha, tanba ha'u iha kontaktu permanente ho sira”, dehan Francisco iha gabinete, tersa (03/08).

Tanba ne’e garantia sasán sira ne'e sei tama ona iha merkadu nune'e bele fasilita komunidade sira bainhira buka la susar.

Ho ida ne’e, sei halo negosiasaun di'ak ho sira nune'e sasán sira ne'e mós to’o mai iha merkadu Timor-Leste ho di'ak no labele mai ho naran de'it ka aat nia.

“Ha'u garante ba ita-boot sira, katak sasán sira ne'ebé mai ne'e ho di'ak nia”, dehan nia. (*)

Comment

Tempotimor (Dili)-Ministru Ensinu Superior Siénsia no Kultura (MESSK), Longuinhos dos Santos hatete, Governu apoiu osan US$150 ba estudante universidade hodi hakaman difikukdade ne’ebé mak enfrenta husi inan-aman.

Comment

Tempotimor (Díli)-Diretór Forum Organizasaun Naun Governamentál Timor-Leste (FONGTIL), Daniel do Carmo hatete, populasaun iha pursentu 45 (45%) mak simu vasina, tanba hakarak movimentu livre iha situasaun pandemia Covid-19 nia laran.

Comment

Tempotimor (Dili)-Ministériu Asuntu Parlamentár no Komunikasaun Sosiál (MAPKomS), Francisco Martins Jerónimo deklara, Governu sei la hapara subsídiu ba liña frente, maske Prezidente Repúblika (PR), Francisco Guterres ‘Lú Olo’, veta dekretu foun ba liña frente. 

Comment

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO), Luís Roberto, ejize ba Governu atu hari’i uma ba sidadaun ne’ebé moras mentál.

Comment

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter