“Apoiu ne'ebé mak Governu fó ne'e, apoiu emerjénsia kompletu, mais problema mak fahe fali kalen no ai ne'e mak problema. Fahe ba sira bele, maibé identifika didi’ak mak fahe ka. Ezemplu ha'u fó kalen ai ba ita-boot, ita-boot nia rai laiha ne'e ita-boot halo uma iha tasi laran ka tabela iha ai leten ka”, dehan Xefe Marcelino Soares iha nia kna’ar fatin kinta (05/08).

Maibé tenke indentifika didi’ak komunidade sira hafoin bele fahe materi’al atu labele hamosu problema. “Tanba ne'e tenke identifika halo didiak labele fo sasán arbiru, orsida ita fo tiha hotu sasán iha ne'ebá balun bá uluk tiha hotu iha ne'ebá hanesan karau matan delek, ema nia rai mós tama, estadu nia mós tama e depois la husu tan”.

Tanba planu programa Governu deside ona Eis Merkadu Komoro, Halo Dolar Hetan, Eis Comp B74 Bekora, sai fatin realokasaun ka hasai komunidade no Governu prepara fatin no ema ne'ebé rejistadu mak bele tama no hela iha fatin realokasaun hirak ne'e atu prevene insendiu.

“Se mak ba halo uma ne'e ba ninia hela fatin, merkadu ne'e serve para fa'an sasán merkadu lá'ás atu hela, merkadu ne'e tranzisaun sasán, o fó modo mai ha'u fó osan ba, tranzisaun sasán tiha ema mak toba fali iha laran, atu sosa ema ka?”, afirma nia.

Iha mós lamentasaun, tanba Governu atribui sasán emerjénsia ba vítima sira mós laiha liña koordenasaun xefe suku tanba ida ne'e mak durante ne'e xefe suku la marka nia orezeksa iha insendiu refere maibé nia ordena nia xefe aldeia mak tau matan durante ne’e.

“Ita fó apoiu ba uma ahi-han ne'e jerál, mais atu atende ema kbi’it laek ne'e, mak hanesan inan isin rua sira, labarik ki'ikoan sira halai labele, ita identifika keta ahi-han tiha balun karik, ita identifika halo didiak e depois, ita hato'o tiha relatóriu ba ministériu, ministériu haruka sasán sira ne'e mai”, dehan nia.

Xefe Suku Marcelino mós esplika, “Agora ministeriu mai fahe ninia sasán hanesan sira mak sira mak xefe suku ha'u la simu ne'e ida ne'e, lakoi koopera ho xefe suku, ida fali partidu sira mós mai, partidu mai fahe iha fatin ida governu mai fahe iha fatin ida, entaun husik ba sira mak mai xefe suku ba, tanba ne'e mak ha'u la besik iha ne'ebá ha'u delega de'it ha'u-nia xefe aldeia de'it mak ba maibé orientadu, ha'u dehan orienradu”. (*)