“Ami iha ne'e rekomenda ba governu, ha'u-nia lista ne'e, labele muda tun ida sa'e ba karik imi aumenta asina de'it, para kuandu ema mais karik ha'u bele responsabiliza, menus karik ha'u bele responsabiliza, ema mai reklama karik ha'u bele responsabiliza, iha ne'e trezentus (300) ital xefe das família mak seidauk simu sesta bázika”, dehan Xefe Suku iha nia kna’ar fatin Fatuhada, kinta (05/08).

Tanba lista ne'ebé Suku Fatuhada haruka ba parte kompetente, rede suku rekomenda katak labele ona muda lista sira atu nune'e xefe suku bele responsabilidade rasik bainhira hahán sesta bázika la to'o ba sira.

Dadaun ne’e lista komunidade atustolu-resin ne'e entrega ona ba Governu no hein bainhira Governu fahe filafali ba komunidade hirak ne'ebé mak seidauk hetan sesta bázika.

“Nia prosesu ne'e lista ne'e ami hatama ona bainhira mak Governu hatun mai?.  Tanba osan ne'e 70 millaun ida ne'e ba ne'ebé ha'u la hatene, ne'ebé ha'u hakarak hatete ba Governu, ita fó tiha kompaña, kompaña sosa ikan lata iha Dili atu lori ikan latan ba foho, iha ne'ebá ne'e batar iha hela maibé lori fali batar ba ne'ebá lori ba Maubisse kuda señora no fehuk roupa agora kompaña lori fali señora no fehuk ropa ba Maubisse ne'e kontráriu liu”, afirma nia.

Komunidade iha Postu Administrativu Dom Aleixo, suku Fatuhada iha aldeia lima ne'ebé mak seidauk simu hamutuk 300-resin no tuir sensus 2016 komunidade iha aldeia lima hamutuk 18.000. (*)