Tempotimor (Dili)-Minístru Edukasaun Juventude no Desportu (MEJD), Armindo Maia hatete, professor Voluntáriu hamutuk rihun 1.371 la admititu ba vaga rekrutamentu professor kontratadu iha Ministériu Edukasaun Juventude no Desportu, ne’ebé anúnsia iha tinan 2021.

Tempotimor (Baukau)-Durante tinan 2022, no inisiu tinan 2023 fulan-janeiru, Diresaun Servisu Teras Propriedades (DTP) Munisípiu Baukau rekolla osan hamutuk rihun US$30-resin husi sidadaun ne'ebé okupa uma no rai estadu.

Tempotimor (Baukau)-Governu liuhusi Ministériu Ensinu Superior Siensia no Kultura (MESSK), servisu hamutuk ho Fundu Dezenvolvimentu Kapital Umanu (FDCH-sigla portugés), rekolla ona dokumentus husi estudante na'in-645 iha Munisípiu Baukau, atu asesu ba programa bolsa hakbi'it no parsial tinan 2023.

Diretór servisu rekursu umanu, Munisípiu Baukau, João Bosco Ximenes, esplika, programa ne'e, Governu liuhusi FDCH hakarak apoiu estudante ne'ebé valór boot, maibé ekonómia família la sufisiente atu kontunua nia estudu iha univesidade.

Tanba ne'e, ekipa tékniku husi FDCH hamutuk ho servisu Administrasaun Munisípiu Baukau, hahú husi loron 06-13 fulan-fevereiru tinan 2023, konsege simu dokumentus husi estudante ba bolsa hakbi'it no parsial periodu 2023 nian, hamutuk 645 husi Postu Administrativu Baukau Vila, Baguia, Laga, Kelikai, Venilale inklui Vemase.

"Agora dadauk dadus ne'ebé tama ona ne'e kuaze 600-resin, ne'e estudante sira husi Postu-6 hotu, ba vaga bolsu habkbi'it no bolsu parsial", dehan nia iha vila nova Baukau, Segunda (13/02).

Estudante ne'ebé submete ona dokumentus ba bolsa hakbi'it, husi estudante finalista sekúndaria husi anu letivu 2017, ho valór 6.0, enkuantu bolsa parsial ho valór tenke 7.5 ba leten, husi anu letivu 2022 de'it.

Dokumentus ne'ebé estudante sira submete ona, sei halo selesaun iha nasionál, hafoin taka sai naran iha nivel Munisípiu.

Bainhira liu ona selesaun, Governu sei halo finansia tuir tipu bolsu ida-ida, hanesan benefisiáriu ba bolsa hakbi'it, Governu sei finansia fundus ba semester, selu hela fatin, inklui han hemu, enkuantu ba benefisiáriu bolsa parsial Governu selu de'it kada semester.

"Ha'u hanoin programa ne'e bele fasilita ita nia komunidade sira ne'ebé kbi'it la'ek laiha forsa atu selu sira nia oan nia eskola atu ba universidade", nia akresenta

Husu kandidatus sira, sai ona benefisáriu ba bolsa refere, tenke estuda no kumpre deklarasaun ne'ebé iha, tanba Governu tau ona osan hodi tau matan, maibé derepente eskola la hotu to'o dalan klaran hakarak sai, tenke devolve fali estadu nia osan.

"Ne'e regras mak hanesan ne'e, sé sira hakarak hola mane ou hola feto, família tenke selu fali estadu nia osan", nia hatete

Aman ba kandidatu bolsu hakbi'it, Feliz Manúel Belo, sente kontente ba programa refere, tanba bele ajuda ekonómia família kbi'it la'ek sira nia oan asesu ba edukasaun iha banku universitáriu.

"Ami sente kontente, tanba Estadu ajuda ona ami inan aman kbi'it la'ek, maibé liuhusi teste mak determina", nia subliña

Entretantu programa bolsa hakbi'it no parsial tinan 2023 ne'e, foku liubá área estudu Agrikultura ho nia área kursu 3, Edukasaun área kursu 10, Enjeñaria área kursu 9, Saúde área kursu 6, inklui, Siensia Sosiais área kursu 6. (*)

Tempotimor (Baukau)-José Janúario dos Reis "Noki" eleitu ba Prezidente Kámara Komérsiu no Indústria Timor-Leste (CCI-TL-sigla portugés), Munisípiu Baukau, periodu 2023-2027 liuhusi kandidatura úniku.

Tempotimor (Dili)-Kontrusaun ba projetu Portu Baía Tibar, ne’ebé investe husi kompaña Bolloré Africa Logistics, to’o iha fulan-fevereiu ninia progresu atinje ona pursetu 99.

Tempotimor (Baukau)-Koordenadór Eskola Ensiñu Báziku Filial (EBF) Katóliku Uaimanuboe, iha Suku Uailili, Postu Administrativu Baukau Vila, Munisípiu Baukau, Andre Braz Belo hetan tuku husi Aman ba estudante, to'o rezulta kanek iha parte inus, tán de’it haksesuk malu kona-ba osan US$7.00 ba propiñas no inskrisaun eskola nian.

Tempotimor (Ermera)-Loron 10 fulan-fevereiru tinan 2023, pur-volta tuku 07:00, ai-hun Samtuku tohar hamate, Jelita Rosario das Neves idade tinan-5, iha Aldeia Lekisi, Suku Poetete, Postu Administrativu Ermera, Munisípiu Ermera.

Tempotimor (Dili)-Komunidade iha Suku Santa Krus, Postu Administrativu Na’in Feto, Munisípiu Dili, bandu atual Prezidente partidu CNRT, Kay Rala Xanan Gusmão atu marka prezensa iha atividade partidu CNRT nian iha Kintal Boot.

Tempotimor (Baukau)-FALINTIL-Forsa Defeza Timor-Leste (F-FDTL) Baukau, liuhusi Komandu Komponente Terrestre (CT-silga portugés), halo ona preparasaun atu simu soldadu foun.

Tempotimor (Dili)-Ministru Obras Publikas (MOP), Abel Pires, hateten Governu halo ona asina kontratu ida ho Governu Japaun liuhusi JAICA (Japaun International Cooperation Agency) hodi apoiu fundu gratuita ba projetu haat ne’ebé sei halo iha Timor-Leste iha fulan-fevereiru tinan 2023.