Tanba tuir rejimentu CCI-TL ba estrutura mandatu tinan-5, nune'e loron 11 fulan-fevereiru tinan 2023, CCI-TL Baukau, liuhusi konférensia daruka, hodi halo re-strutura ho kandidatura úniku, bazeia ba artigu 22 husi rejimentu CCI-TL alina-4 sé kazu iha de'it kadidatura ida, se laiha fatin atu hala'o votasaun, nune'e kandidatura úniku ne'e sei deklara hanesan eleitu, ne'ebé asembleia fó fiar ba José Janúariu dos Reis "Noki" ba Prezidente CCI-TL Baukau, periodu 2023-2027.
Periodu hirak liubá CCI-TL Baukau kauze laiha estrutura kompletu hodi priense ba departementu sira, maibé iha periodu ne'e kompletu ho estrutura, kompostu husi vise-prezidente na'in-14 hodi priense ba departementu 19, ne'ebé kompostu husi setór agrikultura, túrizmu, hotélaria no seluk tán.
"Sente onradu, tanba prosesu ne'ebé ami pasa ho konsensus, baibain ema dehan ita Baukau divérzensias maka'as, maibé mai ho unaminidade liuhusi meiu konsensus eleze ha'u", dehan nia iha Sentru Konvensõens Baukau vila antiga, Sabado (11/02).
Planu prioridade ba periodu 2023-2027, dahuluk sei halo koordenasaun ho estrutura hodi identifika preukupasaun empreza sira husi eskalaun ki'ik to'o boot, hodi kumpri komprimisiu CCI-TL, ne'ebé previstu ona nia espiritu iha Konstituisaun RDTL katak, setór ekonómiku ko'azuva ho ezistenzia setór públiku.
Maske dadaun CCI-TL hamrik fora husi lei, tanba laiha enkuadramentu legál, nune'e CCI-TL nasionál halo intervensaun liuhusi estrutura Munisípal hodi Governu rekońese ezizténsia CCI-TL tuir artigu 133 kapítulu 4 iha Konstituisaun Repúblika hodi atur CCI-TL iha lei enkuadramentu legál.
"Pelu menus dekretu lei, maibé la'os uma rezolusaun simples ke durante ne'e iha, ne'e mak ita nia esperansa", nia argumenta.
Prezidente Autoridade Munisípiu Baukau, Olivio Freitas, husu, Prezidente CCI-TL Baukau atu hatudu responsabilidade sai reprezentante ba Governu sentral husi Munisípiu ba nasionál.
"Hakarak CCI sai forsa Governu sentral hodi dezenvolve Baukau, uluk ema dehan Baukau muturabu, maibé agora Baukau tenke muturau", nia subliña
Entretantu seremonia toma pose realiza iha loron 11 fulan-janeiru tinan 2023 oras tuku 07:00 parte kalan. (*)