Tempotimor (Baukau)-Komunidade balun iha Aldeia Kaidilale, Suku Bukoli, Postu Administrativu Baukau Vila, Munisípiu Baukau, impede rai ka fatin ba konstrusaun monumentu saudozu Vicente Reis "Sahe".

Tempotimor (Baukau)-Komandante Komando Indo-Pasífiku Estadus Unidus Amérika (EUA), Almirante John C. Aquilino, ne'ebé ho aviaun labele tun iha Aeroportu Lanud Munisípiu Baukau, tanba kondisaun iklima.

Tempotimor (Baukau)-Servisu Administrasaun Munisípiu Lautém seidauk bele ezekuta Orsamentu Jerál Estadu (OJE) tinan 2023, ne'ebé Governu aloka ba, tanba ezekusaun ne’e ho sistema foun.

Tempotimor (Baukau)-Governu liuhusi Servisu Ministéru Agrikultura no Peskas Munisípal, distribui ona subsídiu pakóte agrikultura nian, ba agrikultór sira iha Munisípiu Baukau.

Tempotimor (Dili)-Minístru Transporte no Komunikasaun (MTK), José Agostinho da Silva informa, Governu Timor-Leste prontu ona atu asina akordu ho nasaun Viziñu Indonézia kona-ba akordu Fibra Optika Cable ne'ebé kompaña SACOM TL, dada husi rai maran.

Tempotimor (Dili)-Vise-Ministra Solidariedade Sosial no Inkluzaaun (Vise-MSSI), Signi Verdial hatete, Governu  aprezenta ona lei Rejime Jurídiku kona-ba ba Eis titulares ka hanaran Pensaun Vitalisia horseik (31/01) ba Parlamentu Nasionál, maibé deputadu sira haruka hadi’a tán lai.

Maibé, deputadu sira iha Parlamentu Nasional laiha esplikasaun no rekomendasaun ida klaru ba hadi’a lei ne’e, nune’e kria konfuzaun ba Governu.

"Proposta da lei horseik (31/01) ita aprezenta ba iha Parlamentu Nasionál kona-ba rejime jurídiku ba ita nia titulares sira horseik la passa iha Parlamentu, nune'e Deputadu sira husu ba Governu atu hadia", dehan nia hafoin reuniaun Konsellu Ministru iha Palásiu Governu, kuarta (01/02).

Proposta sira iha Lei Rejime jurídiku ne'e rasik governu hadi’a tiha ona, maibé kontinua la passa nune'e Parlamentu Nasionál husu atu hadi’a didiak lei refere, maibé la iha esplikasaun klaru husi Deputadu sira  atu hadi’a lei parte ida ne'ebé.

Tanba Deputadu sira iha Parlamentu Nasionál la halo esplikasaun klaru sei la ajuda governu atu hadi’a di'ak liu tan no difikulta lori fali ba Parlamentu Nasionál atu debate.

"Maibé governu nia hanoin artigu sira iha Proposta laran ne'e ita hadi’a hotu ona, entaun ami husu sekarik Parlamentu hakarak ami governu hadi’a tenke mensiona espesífikamente parte ne'ebé mak governu atu hadi’a la'os atu halo statementu jerál de'it, entaun difísil ba Governu atu hadi’a iha parte ne'ebé? Entaun ida ne'e mak horseik ami Propoin ba Parlamentu karik bele halo rekomendasaun mais profunda iha parte ida ne'ebé loos mak ita atu hadi’a, maibé horseik la passa la konsege vota", hateten nia.

Nune'e, Prezidente Parlamentu sujere fali mai governu, maibé la iha rekomendasaun klaru atu hadi’a rejime jurídiku ka lei ida ne'ebé, nune'e sei difísil ba Governu atu hadi’a lei Pensaun Vitalisia.

Kestaun tuir mai, Governu sei hein Parlamentu Nasionál haruka karta ba Governu bainhira mak atu halo debate fali ba rejime jurídiku ba lei Pensaun Vitalisia.

Kona-ba rejime jurídiku ne'e, parte Governu hein rekomendasaun husi Parlamentu Nasionál atu halo mudansa ba lei ida ne'ebé, tanba ne'e Governu kontinua mantein nia pozisaun iha lei refere. (*)

Tempotimor (Baukau)-Ministéru Finansas (MF) liuhusi nia ekipa, kapasita ona ezekutadór ba Orsamentu Jerál Estadu (OJE) tinan 2023 nian, husi Munisípiu 4, hanesan, Vikeke, Lautém Manatutu inklui Baukau, iha salaun apuramentu Baukau.

Tempotimor (Dili)-Governu liu husi reuniaun konsellu ministru aprova ona kalendáriu operasaun ba resenseamentu eleitorál iha rai-li’ur, ne’ebé aprezenta husi Ministru Administrasaun Estatál (MAE), Miguel Pereira de Carvalho.

Tempotimor (Dili)-Governu liuhosi reuniaun Konselu Ministru aprova ona projetu Dekretu-Lei, ne’ebé aprezenta husi Vise Ministra Solidariedade Sosiál, Signi Chandrawati Verdiál, ba alterasaun daruak ba Dekretu-Lei númeru 37/2022, loron 25 fulan-maiu kona-ba subsídiu US$200 fim do ano ba uma kain sira.

Nune’e, alterasaun ne’e prolonga tan tempu ba pagamentu, ne’ebé sei to’o iha fulan-abril tinan 2023, hoodi bele garante pagamentu subsídiu refere ba reklamante sira ne'ebé sira-nia reklamasaun aprezenta ona no aseita husi Komisaun Pagamentu.

"Governu aprova ona projetu Dekretu-Lei, ne’ebé aprezenta husi Vise Ministra Solidariedade Sosiál, Signi Chandrawati Verdiál, ba alterasaun daruak ba Dekretu-Lei n.37/2022, loron 25 fulan-maiu kona-ba subsídiu fim do ano ba uma kain sira", dehan Prezidensia Konsellu Ministru, Fidelis Manuel Leite Magalhaes iha palasiu governu, (01/02).

Hanaruk mós, to’o loron 30 fulan-juñu tinan 2023, prazu atu entrega ba Konsellu Ministrus husi relatóriu ezekusaun diploma nian, husi parte Ministra Solidariedade Sosiál no Inkluzaun nian.

"Sira-nia reklamasaun aprezenta ona no aseita husi Komisaun Pagamentu, projetu Dekretu Lei ne’e hakarak alarga períodu pagamentu to’o fulan-abril tinan 2023", nia esplika. (*)

Tempotimor (Baukau)-Administradór Munisípiu Vikeke, Januario Soares, kontinua esforsu hodi luta ba estrada rural ligasaun husi Suku Nahareka ba Postu Administrativu Ossu, Munisípiu Vikeke.