Enkuanu husi Orsamentu Jerál Estadu (OJE) 2023 nian ne'ebé, Governu aloka ba Munisípiu Lautém tokon US$5-resin, ne'ebé nia alokasaun ba bens servisu no kapital dezenvovlimentu.
"Iha primeiru trimestral fulan-janeiru ami seidauk bele halo buat ida, buat hot-hotu foun, ami seidauk ezekuta, tanba ami sei hein sosializasaun", dehan Diretóra Finansas Munisípiu Lautém, Liberata Najonseno Filomena dos Santos iha vila-nova Baukau, Kinta (02/02).
Husu parte relevante liu-liu ekipa Ministéru Finansan ne'ebé responsabiliza ba sosializasaun atu fasilita formasaun, ba pesoal servisu jere sistema orsamentu Munisípiu Lautém nian, nune'e bele hafasil ezekusaun orsamentu tuir nia dalan.
"Husi ami nia parte finansas na'in-3 mak seidauk hetan formasaun ba sistema ne'e, prezisa duni fo formasaun", nia informa
Enkuantu hahú husi loron 31 fulan-janeiru to'o loron 02 fulan-fevereiru tinan 2023, pesoal servisu administrasaun balun husi Munisípiu Lautém, tuir ona formasaun ne'ebé fasilita husi ekipa sosializadór kona-bá ezekusaun OJE 2023 nian, ne'ebé fó koñesementu dekretu lei enkaundramentu orsamentais númeru 02/2022 nian, no pontus importante husi dekretu lei númeru 18 kona-bá programa orsamentais no dekretu lei númeru 19 klasifikadór ekonómiku. (*)
