"Dezde tinan 2018 to'o 2022 fundu mina rai ne'ebé ita halo levantamentu US$5,4 hosi totál ne'ebé ita aprova biliaun US$7.2 ou seja pursentu 76 hosi montante ne'ebé aprova iha parlamentu nasionál ita foti de'it pursentu 76 ou seja biliaun $5.4", dehan Minístru Finansas (MF), Rui Augusto Gomes hafoin enkontru ho Primeiru Minístru, Taur Matan Ruak, segunda (27/02).
Alende ne’e, levantamentu fundu mina rai iha tinan 2023 parlamentu nasionál aprova biliaun US$1.3, nune'e governu uza ona miliaun US$300-resin.
"Ida mós kona-ba levantamentu fundu mina rai nian ne'ebé ita halo tiha miliaun US$300 hosi biliaun US$1.3 ne'ebé parlamentu nasionál aprova", nia informa. (*)