Login to your account

Username *
Password *
Remember Me

Tempotimor (Dili)-Ekipa Susesu Kandidatu Prezidente Repúblika (PR) Periodu 2022-2027, José Ramos Horta haraka Tribunál Rekursu (TR) atu kondena autór ne'ebé organiza sentru votasaun paralelu, tanba votante rihun-2-resin lakon diretu votu iha eleisaun prezidensiál, loron 19 fulan-marsu.

Tempotimor (Dili)-Tenente Jenrál Reformadu, Lere Anan Timur (LAT) no Prezidente Partidu Libertasaun Popular (PLP), Taur Matan Ruak, atual Primeiru Ministru, sei hamutuk ho Partidu FRETILIN fó apoiu ba Kandidatu Prezidente Repúblika, Francisco Guterre ‘Lú Olo’, hodi kompete ho Prezidente Partidu CNRT, Kay Rala Xanana Gusmão, ne’ebé fó apoiu ba Kandidatu José Ramos Horta, iha eleisaun prezidensiál segunda volta.

Tempotimor (Dili)-Primeiru Ministru (PM), Taur Matan Ruak ho Prezidente Repúblika (PR), Francisco Guterres 'Lú Olo', hahú ko'alia kona-ba preparasaun ba eleisaun Prezidensiais segundu Volta ne'ebé sei akontese iha 19 abril.

Tempotimor (Dili)-Kandidatu Prezidente Repúblika (PR) príode 2022-2027, José Ramos Horta, fiar-an deklara katak, Partidu Congressu Nacioná de Reconstrução de Timor (CNRT) mak sei lidera maioria foun hodi forma Governu dasia, maske iha eleisaun Parlametar sei akontese iha tinan 2023.

Tempotimor (Dili)-Kandidatu Prezidente Repúblika, José Ramos Horta deklara, format ba Kampaña eleitorál segunda volta eleisaun Prezidensiál ne’ebé sei hala’o iha loron 2 to’o 16 abril 2022, depende ba Partidu CNRT.

Tempotimor (Dili)-Eis Kandidatu Prezidente Repúblika (PR) Períodu 2022-2027, Hermes da Rosa Correia Barros, deside fo apoiu ba Kandidatura Prezidente Repúblika, José Ramos Horta, ne’ebé avansa ba segunda volta eleisaun prezidensiál hodi kompete ho Kandidatu Francisco Guterres ‘Lú Olo’.

Tempotimor (Díli)-Partidu Demokrátiku (PD) iha posibilidade sei fó apoiu ba Kandidatu Prezidente Repúblika (PR) husi Partidu CNRT, José Ramos Horta ne’ebé avansa ba segunda volta ho kandidatu husi Partidu FRETILIN, Francisco Guterres ‘Lú Olo’, iha eleisuan loron 19 abril 2022.

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, ‘sente’ insin-kolen la konsege lori Kandidatu José Ramos Horta hakatak liu bareira votu pursentu 50+1 husi totál votu validu iha primeira volta ba Prezidente Repúblika (PR) períodu 2022-2027.

“Klaru ita-nia hanoin karik bele primeiru volta, mais rezultadu hatudu tiha ona katak ita tenke ba segundu volta. Isin-kolen loos, mais kolen ida ne'e ita sei la sente wainhira ita hotu hanoin kona-ba objetivu ne'ebé mak partidu hasai”, dehan Xanana liuhusi konferensia imprensa iha Sede Nasionál Kandidatu José Ramos Horta, Hudi Laran, tersa (22/03).

Maibé sente orgullu ho estrutura tomak partidu CNRT nian, husi nasionál to'o munisípiu, inklui RAEOA, iha postu administrativu no suku, aldeia ne'ebé mak konsege hala'o servisu maka’as iha eleisaun primeiru ronda.

"Ita husu boot mós karik iha Abril nia laran, loron udan, tanba ohin temi tiha ona maluk sira ne'ebé lakonsege vota, 227 mil, estasaun votu dok oituan husi aldeia sira, estrada la di'ak, udan tán, ho ida ne'e mak reduz tiha ita nia kbi'it la'o ba oin”, hatete nia.

Tanba ne'e, husu boot atu iha fulan-abril ne'e labele iha udan fó posibilidade ba kandidatu José Ramos Horta, tanba ne'e importante tebes nasaun, atu hatur fali konstituisaun iha nia fatin, no konsolida Estadu Diretu Demokrátiku.

“Klaru isin kolen, hanesan ohin temi tiha ona, maibé kolen ne'e ita sei la sente tanba objetivu ba ita konstituisionál ne'e boot liu ita-nia isin rasik, ita-nia kolen ita la kolen rasik”, afirma Xanana.

Ba eleisaun segundu volta ne'ebe mosu hanesan oportunidade ba povu tomak, atu hili ho konsiénsia, entre opsaun rua ne'ebé mak sempre temi.

“Ou estraga nafatin ita-nia estadu diretu demokratiku lori ba ditadura ou ita hadi'a tiha krize ida ne'e hodi hatur fali konstituisaun no hametin Estadu diretu demokratiku”, dehan nia.

Tanba ne’e, husu ba entidade hothotu atu iha segundu volta mai buat hotu la'o ho di'ak iha estabilidade nia laran.

“Loos duni kazu ne'ebé akontese iha kedas hahú kampaña, ita husu ba hothotu bele hamenus tiha posibilidade ne'ebé baku malu oho malu, hamenus tiha posibilidade ataka sentru votu, tanba povu nia votu ne'e la'ós buat ida ba sosa, la’e, povu nia votu ne'e importante tebes”, afirma Xanana.

Husi rezultadu finál Provizóriu ne’ebé fó sai husi Orgaun eleitorál hanesan Sekretáriadu Tékniku Administrasaun Eleitorál (STAE) iha loron segunda (21/03) hatudu Kandidatu Prezidente Repúblika (PR), José Ramos Horta, ho Kandidatu Francisco Guterres ‘Lú Olo, sei vanasa ba eleisaun segunda volta iha loron 19 abril 2022.

Tanba ne’e, Kandidatu Prezidente Repúblika (PR), José Ramos Horta, konsege manán kandidatu na’in-15 sira seluk ho votu 301481 ho pursentu 46,58 (46,58%) husi totál votu validu ne’ebé apuradu husi STAE hamutuk 647172 kompara ho Kandidatu Francisco Guterres ‘Lú Olo, ne’ebé hetan votu 143408 ho pursentu 22,16%, iha pozisaun segundu.

Haree ba rezultadu apuramentu ne’ebé fó sai ho votu validu hamutuk 647172 ho pursentu 100 konklui ona rezultadu finál ho kandidatu na’in-16 laiha ida mak hetan votu metade husi totál votu validu iha eleisaun.

Tanba konstituisaun Repúblika Demokrátika Timor-Leste, Artigu 76, ne’ebé ko’alia kona-ba Eleisaun ba Prezidente Repúblika, iha alinea dahuluk hatete, Atu sai Prezidente-Repúblika, sei hili tuir sufrájiu universál, livre, diretu, sekretu no ida-idak.

Iha alinea daruak hatete, Eleisaun Prezidente-Repúblika nian banati tuir sistema manán ho votu barak liuhusi votu hothotu ne’ebé válidu, la sura votu ne’ebé la válidu.

Nune’e mós iha alinea datoluk hatete, wainhira kandidatu sira hetan votu hanesan, sei hala’o fali eleisaun dala ida tan, liutiha loron tolunulu husi loron votasaun ida foin liubá kotuk.  No ikus liu alinea dahaat katak, iha eleisaun darua, kandidatu na’in-rua ne’ebé hetan liu votu no la hasai sira-nia kandidatura mak bele tuir. (*)

Tempotimor (Díli)-Konselleiru Másimu Partidu Kmanek Haburas Unidade Nasional Timor Oan (KHUNTO), José dos Santos 'Naimori Bucar' hatete, sira seidauk deside hodi ‘halis’ ba kandidatu ida iha eleisaun segunda volta, tanba dadaun ne’e hamutuk ho Partidu Libertasaun Popular (PLP) no FRETILIN iha Governu daualu.

Tanba rezultadu finál provizóriu ne’ebé iha hatudu Kandidatu Prezidente Repúblika, José Ramos Horta, hanesan vensedór no Kandidatu Francisco Guterres “Lú Olo’, iha pozisaun daruak ne’ebé iha posibilidade avansa ba segunda volta.

“KHUNTO hamutuk hela ho PLP no FRETELIN iha VIII Governu tanba ne’e ita lakohi ansi maibé sei tetu ho di'ak molok iha desizaun tanba ne’e ba povu nia moris”, dehan José dos Santos ‘Naimori Bucar’ iha Palásiu Prezidensiál Bairopite, tersa (22/03).

Bainhira KHUNTO ne’ebé deside apoiu kandidatu CNRT no FRETELIN iha eleisaun segundu ronde KHUNTO sei tetu nia desizaun hotu atu la prezudika Governu ida ne’e la'o ba oin tuir mandatu ne’ebé iha hodi kontinua serví povu tuir lei hatete tanba prinsípiu KHUNTO asegura Governu hakarak asegura povu ba moris di'ak.

“Partidu KHUNTO ita-nia tradisaun demokrasia rasik no konsidera partidu polítiku sai hanesan instrumentu nasaun nian, tanba ne’e KHUNTO mantein ho nia pozisaun rasik no seidauk iha desizaun definitivu atu apoiu kandidatu ida ne’ebé iha eleisaun prezidensiál ba segundu volta”, dehan nia.

Tanba situasaun polítika iha Timor-Leste hatudu mudansa ida siknifikativu no liliu iha interna partidu KHUNTO nune’e estrutura nasionál simu trezultadu eleisaun prezidensiál no iha esperansa atu simu festa demokrasia ba eleisaun parlamentar iha 2023.

“Partidu KHUNTO ita sei haree tanba ha'u sei organiza reuniaun iha nível estrutura partidu nian para bele iha desizaun atu apoiu se iha segunda ronde nian”, esplika nia. (*)

Tempotimor (Dili)-Rezultadu finál Provizóriu ne’ebé fó sai husi Orgaun eleitorál hanesan Sekretáriadu Tékniku Administrasaun Eleitorál (STAE) iha loron segunda (21/03) hatudu Kandidatu Prezidente Repúblika (PR), José Ramos Horta, ho Kandidatu Francisco Guterres ‘Lú Olo, posibilidade sei hadau malu kadeira Prezidente Repúblika ba Períodu 2022-2027, iha eleisaun segunda volta iha loron 19 abril 2022.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter