Tanba ne’e, kandidatu na’in-rua hanesan Prezidente Repúblika (PR), José Ramos Horta, konsege manán kandidatu na’in-15 sira seluk ho votu 301481 no hetan pursentu 46,58 (46,58%), husi totál votu validu ne’ebé apuradu husi STAE hamutuk 647172 kompara ho Kandidatu Francisco Guterres ‘Lú Olo, ne’ebé hetan votu 143408 ho pursentu 22,16%, iha pozisaun segundu

Haree ba rezultadu apuramentu ne’ebé fó sai ho votu validu hamutuk 647172 ho pursentu 100 konklui ona rezultadu finál ho kandidatu na’in-16 laiha ida mak hetan votu metade husi totál votu validu iha eleisaun.

Tanba konstituisaun Repúblika Demokrátika Timor-Leste, Artigu 76.o Ne’ebé ko’alia kona-ba Eleisaun, iha aliña dahuluk hatete, Atu sai Prezidente-Repúblika, sei hili tuir sufrájiu universál, livre, diretu, sekretu no ida-idak.

Iha aliña daruak hatete, Eleisaun Prezidente-Repúblika nian banati tuir sistema manán ho votu barak liuhusi votu hothotu ne’ebé válidu, la sura votu ne’ebé la válidu.

Nune’e mós iha aliña datoluk hatete, wainhira kandidatu sira hetan votu hanesan, sei hala’o fali eleisaun dala ida tan, liutiha loron tolunulu husi loron votasaun ida foin liubá kotuk.  No ikus liu aliña dahaat katak, iha eleisaun darua, kandidatu na’in-rua ne’ebé hetan liu votu no la hasai sira-nia kandidatura mak bele tuir.

Husi rezultadu provizóriu eleisaun Prezidensiál ne’ebé fó sai ona, Kandidatu José Remos Horta ho votu 301481 (46,58%), Francisco Guterres ‘Lú Olo’ ho votu 143408 (22,16%), Armanda Berta dos Santo votu 56289 (8,70%), Lere Anan Timur iha votu 48959 (7,57%), Mariano ‘Assanami’ Sabino votu 47008 (7,26%), Anacleto Ferreira ho votu 13059 (2,02%), Martinho Gusmão iha votu 8485 (1,31%) no Hermes da Rosa Correia Barros konsege hetan votu 7958 (1,23%).

Maibé kandidatu na’in-ida sira seluk hanesan Milena Pires de’it mak kjonsege hakat liu bareira apoiante ba aprezentasaun kandidatu iha Tribunál rekursu ho votu 5335 (0,82%)

Ba kandidatu na’in-7 sira seluk ne’ebé la konsege atinje rekejitu ne’ebé Tribunál Supremu Justisa fó sai katak kandidatu ida tenke iha apoiuante mínimu rihun-lima mak hanesan Isabel Ferreira iha votu 4165 (0,64%), Felisberto Araujo Duarte hanesan kantudantu ho otas nurak iha votu 2615 (0,40%), Constancio Pinto ne’ebé konsege gaña votu 2474 (0,38%), Rogerio Lobato iha votu 2028 (0,31%), Virgilio Guterres ho votu 1685 (0,26%), Antero Bendito da Silva ho votu 1531 (0,24%) no ikus liu Knadidatu Angela Freitas iha votu 692 (0,11%).

Prezidente Komisaun Nasionál ba Eleisaun (CNE), José Agostinho Belo hatete, dadaun ne'e CNE seidauk iha orariu ba Segunda Volta eleisaun prezidensiál tanba sei prosesu kontajen votu, maibé karik mak akontese Segunda Ronde sei monu iha loron 19 fulan-abríl tinan 2022.

“Ha'u hanoin segunda volta orariu seidauk iha tanba ita seidauk hatene ita ba Segunda volta ka la’e?. Tanba votu ne'e sei sura hela, e CNE mós sei verifika, ne'ebé ita labele adianta ba segudna volta mais karik iha mós ita-boot sira hatene Segunda volta iha votasaun ne'e sei akontese iha 19 de Abríl”, dehan Prezidente CNR, José Belo ba jornalista sira iha salaun CNE Laline Larigutu, Kolmera, segunda (21/03).

Prosesu kontaje votu eleisaun prezidensiál ne'ebé publika sai Sekretariadu Tékniku Administrasaun Eleitorál (STAE) Kandidatu Prezidente Repúblika ho númeru Sorteiu 6 Francisco Guterres ‘Lú Olo’, ne'ebé to'o agora atinje ona pursentu 22,16 no Kandidatu José Ramos Horta ne'ebé atinje pursentu 46.56.

Husi parte CNE sei halo hela verifikasaun ba votu sira ne'ebé husi Munisípiu mai tanba ne'e mak seidauk adianta ba segunda Ronde nia.

"Orariu ne'ebé espalla iha públiku ne'e, públiku nian hanoin no ema seluk nia hanoin, maibé STAE ho CNE seidauk iha seidauk sura hotu seidauk fó Rezultadu, provizóriu”, afirma nia.

Alende ne'e Tribunál Rekursu mós seidauk valida tanba ne'e mak seidauk bele ko'alia kona-ba segundu volta ba eleisaun prezidensiál nian. (*)