Login to your account

Username *
Password *
Remember Me

Remodelasaun Membru, Governu Labele Utiliza Polítika Herodes

Ofisiál Ligasaun Asia and Rights (Ajar), Inocencio de Jesus Xavier. Ofisiál Ligasaun Asia and Rights (Ajar), Inocencio de Jesus Xavier. Foto Tempo Timor

Tempotimor (Dili)-Ofisiál Ligasaun Asia and Rights (Ajar), Inocencio de Jesus Xavier hatete, remodelasaun ba membru Governu daualu, hanesan aktu polítika de'it, maibé labele utiliza politika Herodes hodi fó sala ba membru Governu na’in-haat ne’ebé hetan remodelasaun.

“Ita mai ho remodelasaun ba ha'u hanesan aktu polítiku de'it, remodelasaun ida akontese atu justifika atu fó sala de'it ba sira na'in-haat mak la hatene halo servisu, maibé di'ak liu hadi'a sistema no lei atu ajuda sira atu implementa programa ne'e, labele uza polítika Herodes atu hatene fó sala ema maibé lakohi simu sala ne'ebé iha”, dehan prezidente Ajar iha nia knaar fatin Asosiasaun Hak, tersa (22/03).

Ba membru Governu na’in-haat ne’ebé hetan remodelasaun ne’e, Prezidente Repúblika, Francisco Guterres ‘Lú Olo’, deside hodi ezonera tuir proposta husi Primeiru Ministru, hanesan Ministru Obras Púbilkas, Salvador Eugénio Soares dos Reis Pires, Ministru Justisa, Manuel Cárceres da Costa, Vise-Ministra Finansas, Sara Lobo Brites, Sekretáriu Estadu ba Assuntus Kombatentes Libertasaun Nasionál, Gil da Costa Monteiro ‘Oan Soru’

Haree ba prosesu sira ne’e, AJAR konsidera remodelasaun ne'e, eis membru Governu na'in-haat mak lori estrutura Governu daulau la matenek no la halo buat ida ho di'ak, maibé hadi’a mak sistema ne’ebé iha durante ne’e.

“Agora dadaun Governu husi primeiru Ministru saran membru Governu na'in-haat ba mate hodi troka ema seluk, hodi julga hatete ba públiku katak sira na'in-haat mak la hatene no la di'ak, ida ne'e mak Governu ida ne'e halo", afirma nia.

Tanba ne'e, labele halo polítika Herodes la bele lori ema na'in-haat ba membru nian, di'ak liu mak sira tur hamutuk hodi hadi'a lei ne'e, atu fó fleksibilidade ba governante bele implementa programa.

“Sosiedade sivil Ajar fó parabéns ba membru Governu foun na’in-haat ne'e, maibé ha'u la fiar katak sira na'in haat atu ba muda, ita boot sira ba atu hadi'a sala ne'ebé ihá, la'ós ba atu repete sala ne'e di'ak liu lalika ba”, haktuir nia.

Membru Governu na’in-haat ne'e hetan konfiansa husi Primeiru Ministru, atu servisu hamutuk hodi hadi'a naksalak sira ne'ebé durante ne'e ihá, ba halo di'ak liu bele ba maibé ba halo at no hanesan sira na’in-haat ne'e labele obriga-an ba.

Governu ida só halo avaliasaun de'it ba programa no kestaun tékniku, la’ós troka Ministru no Sekretáriu Estadu ida, kestaun mak fusionamentu estrutura la'o di'ak ka la’e, bele fó fleksibilidade ba Ministru sira halo implementa programa ne'e di'ak ka oinsá.

“Ha'u haree fukun boot ne'e iha kapi ne'ebé tutela iha vise primeiru Ministru ne'e, la hatudu nia performasi di'ak prosesu ba dezenvolvimentu no matadalan sira halo didi’ak para mellora implementasaun ba funsionamentu grade projetu”, dehan nia.

Prezidente Repúblika (PR), Francisco Guterres ‘Lú Olo', liuhusi Dekretu Prezidente Repúblika nomea membru Governu Konstitusionál daualu na’in-4 foun ne’ebé sei simu pose iha loron tersa (22/03) ohin.

“Prezidente Repúblika uza nia kompeténsia konstitusionál tuir artigu 106 númeru 2 halo nomeasaun ba membru Governu bazeia ba proposta husi Primeiru Ministru. Tuir artigu 86 alinea h) Konstituisaun Repúblika Demokrátika Timor-Leste hatete katak Prezidente Repúblika mak iha kompeténsia atu nomea, fó posse no ezonera membru Governu, tuir proposta husi Primeiru Ministru”, dehan liuhusi Komunikadu Imprensa ne'ebé www.tempotimor.co  asesu iha segunda (21/03).

Membru Governu na’in-4 ne’ebé hetan nomeasaun husi Prezidente Repúblika mak hanesan Ministru Obras Públika, Abel Pires da Silva, Ministru Justisa, Tiago Amaral Sarmento, Vise-Ministru Finansas, António Freitas, Sekretáriu Estadu ba Assuntus Kombatentes Libertasaun Nasionál, Júlio da Conceição ‘Loro Messak’.

Prezidente Repúblika, Franciso Guterres Lú Olo, sei fó posse ba membru Governu na’in-4 iha loron tersa, 22 marsu 2020, tuku 09.30, iha Palásiu Prezidensiál Nicolau Lobato.

Molok halo nomeasaun ba membru Governu na’in-haat, tuir proposta husi Primeiru Ministru, Prezidente Repúblika liuhusi Dekretu Prezidente Repúblika ezonera Ministru Obras Púbilkas, Salvador Eugénio Soares dos Reis Pires, Ministru Justisa, Manuel Cárceres da Costa, Vise-Ministra Finansas, Sara Lobo Brites, Sekretáriu Estadu ba Assuntus Kombatentes Libertasaun Nasionál, Gil da Costa Monteiro ‘Oan Soru’. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter