“Ami uluk kuaze 60 itál númeru, ne'ebé agora foin mak ualu (8) de'it, entaun 50 itál seidauk book. Deputadu ida ne'ebé mak tuir númeru mak orsida Xefe do Bankada mak bolu fali dehan ida ne'e mak avansa fali ninia fatin mai fali iha Parlamentu”, informa Xefe Bankada PLP, Cornelio Gama ‘L-Sete’, ba www.tempotimor.com iha PN, segunda (21/03).

Ba substituisaun ne'e, husi bankada PLP nian hein de'it, tanba desizaun husi Taur Matan Ruak hanesan Prezidente ba Partidu PLP mak sei deside kona-ba envolvimentu Deputadu Abel Pires nian iha Governu daualu.

Tanba hanesan Deputadu Abel Pires ne'ebé mak deside ona atu ba fali Gvernu ne'e depende ba Primeiru Ministru atu haree ninia boa vontade, servisu ba nasaun ida ne'e ho karidade, pasiènsia, ho ativismu atu asume kna’ar iha Governu.

Maibé liga fali ba kna’ar deputadu nian iha Parlamentu Nasionál antes ne'e, iha ona lista husi Partidu nian kuaze ema na'in-60-resin ne'ebé susivamente atu troka malu tuir númeru lista nian.

“Ne'e iha lei ne'e kuandu, sé ida mak sai, ka ida mak mate ne'e sempre tuir numeru, labele hakat liu númeru, ezemplu, númeru 1 mak sai, entaun mai fali númeru 2, hanesan ne'e”, afirma nia.

Bankada PLP husu deputadu Abel Pires karik durante ne'e haree buat ruma naksalak, saida mak sala, no saida mak sira hasai iha ne'e tenke ba kumpre didi'ak no respeita di'ak ba nia kompeténsia nu’udar membru Governu.

Tanba iha nasaun ida ne'e fó ba jerasaun foun sira, no deputadu Abel Pires mós hanesan sidadaun ida foinsa'e, no futuru sira-nian, no presiza servisu halo didi'ak. (*)