Login to your account

Username *
Password *
Remember Me

Tempotimor (Dili)-Eis Kandidatu Prezidente Repúblika (PR) Primeira Volta, Tenente Jenerál Reformadu Tito da Costa Cristovão ‘Lere Anan Timur' hatete, nia parte dilema atu foti desizaun hodi fó apoiu ba kandidatu ida iha eleisaun segunda volta loron 19 fulan-abril 2022.

Tempotimor (Dili)-Estrutura Universidade Nasionál Timor Lorosa’e (UNTL) lamenta ho deklarasaun Kandidatu Prezidente Repúblika, José Ramos Horta, ne’ebé hatun imajen no minimiza Kualidade UNTLnian, iha debate entre Kandidatu Prezidente Repúblika, iha salaun Oka, kuarta (13/04).

Tempotimor (Dili)-Kandidatu Prezidente Repúblika (PR) període 2022-2027, José Ramos Horta hatete, Governu tenke tau prioridade aumenta plantasaun kafé iha Timor-Leste.

Tempotimor (Dili) Prezidente Partidu Demokrátiku (PD), Mariano ‘Assanami’ Sabino hatete, Partidu Demokrátiku (PD) apoiu kandidatu Prezidente Repúblika, José Ramos Horta atu haree Pólitika Global, Estratéjiku Rejional ne'ebé halo ona entre Timor-Leste, CPLP no nasaun viziñu.

Tempotimor (Dili)-Prezidente Partidu Demokrátiku (PD), Mariano ‘Assanami’ Sabino utiliza kampaña Kandidatu Prezidente Repúblia, José Ramos Horta, hodi louva Timoroan sira ne’ebé servisu iha estranjeiru, tanba kontribuisaun joven iha diáspora numéru segundu hafoin fundu Petrólifeira.

Tempotimor (Dili)-Kandidatu Prezidente Repúblika (PR), Francisco Guterres ‘Lú Olo’ deklara, bainhira Parlamentu Nasionál la fó pose ba ba kandidatu José Ramos Horta ne’ebé eleitu sai Prezidente Repúblika iha loron 19 fulan-abril 2022 sei mosu krize iha Timor-Leste.

Tempotimor (Dili)-Konsellu Superior Partidu Kmanek Haburas Unidade Nasionál Timor Oan (KHUNTO), José dos Santos ‘Naimori Bukar’ hatete, nia parte moe bainhira Partidu Congresso Nacional de Reconstrução de Timor (CNRT) seiduak iha matenek atubele kandidata-an ba Prezidente Repúblika (PR) període 2022-2027.

Tempotimor (Dili)-Komunidade sira iha Suku Soba, Postu Administrativu Laga, Munisípiu Baukau, husu Kandidatu Prezidente Republika José Ramos Horta, atu defende problema infraestrutura báziku bainhira eleitu sai Prezidente Repúblika períodu 2022-2027 iha loron 19 fulan-abril.

Tempotimor (Díli)-Prezidente Komisaun Nasionál ba Eleisaun sira (CNE), José Agostinho Belo hatete, sei la fó sansaun ba kandidatu sira insulta malu maibé sei fó ba eleitór sira mak deside iha tempu eleisaun.

Tempotimor (Dili)-Prezidente Partidu Linertasaun Popular (PLP), Taur Matan Ruak hatete, nia parte simu orden husi Kandidatu Prezidente Repúblika (PR), períodu 2022-2027, Francisco Guterres ‘Lú Olo’, atu akompaña Sekretáriu Jerál Partidu FRETILIN, Mari Bim Amude Alkatiri, hala'o kampaña segundu volta ba loron dasia iha Tasitolu, Suku Komoro, Postu Administrativu Dom Aleixo, Munisípiu Dili.

“Primeira ha'u hakarak hatete ba ita-boot sira, tanba saida mak ita-nia kandidatu la mai, tanba ha'u akompaña nia dala ida de'it iha Ermera, entaun nia fó orden, nia dehan, Taur Matan Ruak, ita-boot mak tenke akompaña Sekretáriu Jerál ba Tasitolu, ha'u dehan prontu (siap) Komandante”, esplika Taur iha ámbitu kampaña eleitorál husi Kandidatu Lú Olo nian iha Tasitolu, domingu (10/04).

Tanba ne’e, atu fahe informasaun no programa ba militante no apoiante sira, hodi hatutan ba maluk sira sel-seluk, atubele hatene razaun loloos atu vota ba Kandidatu Lú Olo ho númeru sorteu 2.

“Tanba saida mak ita tenke vota ba númeru 2, Primeiru ita hakarak nasaun forte ka la’e?, se imi hakarak nasaun forte, só forte ho kandidatu númeru 2 Lú Olo, tanba saida, nia kuda ai, nia hatene rega, nia hatene tau matan, ida númeru 1 nia fukit, nia silu, nia la kuda, nia sobu, tanba ne'e labele”, afirma nia.

Diretór Kampaña Kandidatu Lú Olo, José Manuel ‘Nakfilak’ hatete, Prezidente Partidu FRETILIN, Francisco Guterres ‘Lú Olo’, konsege ultrapasa situsaun impase polítika ho dame no estabilidade, inklui ultrapasa mós Krize Mundiál pamdemia Covid-19 ne'ebé mak povu la mate barak.

Tanba situasaun Pandemia Covid-19 ne'ebé mak mosu iha rai laran, Prezidente Repúblika, Francisco Guterres ‘Lú Olo’, liuhusi ninia polítika hamutuk ho medida ne'ebé forte husi Governu daualu konstituisionál hodi salva povu ida ne'e konsege atinje óbitu sira iha Timor-Leste iha 130 de'it.

“Kamarada Lú Olo, tanba sá mak ita tenke lori nia ba iha 19 abrik atu ba tur nuudar Prezidente ba rai ida ne'e, tanba primeiru nia konsege ultrapasa impase sira iha Timor ne'e ho dame, ho hakmatek, ho estabilidade ho domin ba ita tomak. Lú Olo hatene ultrapasa krize mundiál ne'ebé mak iha ita-nia rai, la halo povu mate barak liu hanesan iha rai seluk”, afirma nia.

Tanba ne'e bainhidra militante no apoiante sira hili kamarada Lú Olo ba Aitarak laran, mak sei hametin estabilidade iha rai laran hodi lori dezenvolvimentu mai, no lori mudansa ba povu nia moris hamutuk ho ezekutivu ne'ebe mak forte. (*)

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter