Login to your account

Username *
Password *
Remember Me

Items filtered by date: Wednesday, 23 September 2020

Thursday, 24 September 2020 07:58

Mausiga Seidauk Sente Dezenvolvimentu

Tempotimor (Hatubuiliku)-Maske Timor-Leste ukun an tinan 20 ona maibé povu barak mak sei halerik ho dezenvolvementu, ezemplu ida mak komunidade sira iha suku Mausiga, Postu admistrativu Hatubuiliku, Munisipiu Ainaro ne’ebé konsidera an seidauk sente dezenvolvimentu.

Suku Mausiga geografiamente iha kedas Kablaki huun ho total populasaun hamutuk 4,477 husi total Xefe família 400 resin. Maske Dezde 2002 to'o 2017 Timor Leste hasai ona osan ho montante bilaun 15 maibe Mausiga mak nafatin.

Tuir observasaun www.tempotimor.com nota katak Kondisaun estrada ne'ebé Aat difikulta tebes agrikultor sira atu lori produtu ba merkadu.

Suku Mausiga rasik moris ho agrikultura ne'ebé sira nia produtu hanesan Café, Koto, Fehuk-Ropa, Repoillu, Talas, Kontas, ervilha, senora no modo.

Xefe Suku Mausiga Guilherme Rodrigues Soares hatete dezenvolvementu fiziku hanesan estrada sei hakdasak, bee-moos no saniamentu mos hakdasak hela, rekursu iha postu saúde mos la sufisiente atu atende komunidade sira no edukasaun sei menus profesor atu hanorin estudantes sira iha eskola.

"Kondisaun Iha Mausiga mak hanesan ne'e," dehan Guilherme iha Aldeia Manu-Sahe Suku Mausiga Postu admistrativu Hatubuiliku Munisipiu Ainaro, Sabdu (19/9).

Guilherme akresenta, Povu Mausiga iha kapasidade no Kbiit tomak iha área agrikultura mesmu nune'e iha mos frakeja. Tuir Guilherme hateten frakeja mak laiha dalan atu asesu ba merkadu mesmu iha produtu agrikola.

Nune'e, Guilherme iha esperansa ho prejensa Sekretáriu estadu kooperativa Elizário Ferreira bele hatudu dalan ba merkadu.

"Maioria populasaun iha ne'e moris ho agrikultura, husi vida agrikultor ne'e labele sustenta moris tanba dalan ba merkadu sira lahetan," dehan Guilherme.

Nune'e mos iha fatin hanesan, Agrikultor Francisco Alves de Araújo hateten durante ne'e bainhira atu lori produtu ba merkadu transporta ho Kuda.

Tanba ne'e, hanesan Agrikultor husu ba guvernu atu halo estrada nune'e bele fasilita sira ba asesu iha merkadu.

 

Published in Ainaro

Tempotimor (Hatubuiliku)-Lian-nain sira hamutuk ho agrikultura aldeia Manu-sahe, Suku Mausiga, postu administrativu Hatubuiliku, simu prezensa Sekretariu Estadu Kooperativa Elizário Ferreira ho lisan no kultura.

Published in Ekonomia

Tempotimor (Dili) - Atu rekupera ekonomia iha rai-laran liuhusi dalan apoiu ba família sira inklui produtór agríkola, governu liuhusi Konsellu Ministru aprova ona atribuisaun sesta bázika ne'ebé aprezenta husi ministru koordenadór asuntu ekonómiku.

Projetu dekretu lei ne'e hatuur mós mekanizmu no kondisaun sira ba implementasaun medida hirak ne’e inklui kria rejime espesiál ba aprovizionamentu iha ámbitu sesta bázika nian.

Benefisiáriu husi sesta bázika rasik mai husi agregadu familiár ne'ebé eskreve ona iha livru rejistu uma kain, sidadaun timoroan ne'ebé tama iha instituisaun sósiu-edukativa, relijioza, prizioneiru.

"Sesta bázika ne'e sei atribui iha fulan-Novembru no Dezembru, ne'ebé nia montante fiksa ona to’o US$ 25 ba membru ida-idak husi agregadu familiár nian kada fulan iha fulan rua nia-laran, sesta bázika ida bele troka ho folin sasán ne'ebé korrespondente ba valór osan nian," hakerek iha komunikadu imprensa ne'ebé www.tempotimor.com asesu, Kuarta (23/9).

Iha karta komunikadu hateten, medida sesta bázika bele tulun família sira-nia nesesidade bázika hodi kontribui kombate hamlaha no vulnerabilidade ne'ebé eziste iha rejiaun balun ne'ebé kiak no izoladu.

Apoiu sesta bázika ne'e mós no nia objetivu atu estimula dinámika ekonomia lokál liu husi sirkulasaun rekursu finanseiru ne'ebé presiza tebes hasae produsaun nasionál, nune'e hamenus krize husi impaktu Covid-19. (*)

Published in Ekonomia

Tempotimor (Dili) - Tuir dadus ne'ebé relata husi Polisia Nasionál Timor-Leste (PNTL) hatudu durante fulan Janeiru to’o Setembru tinan 2020, rezulta númeru ema mate hamutuk na’in 48 tanba kauza husi asidente tráfegu.

Ita haree ba asidente ne'ebé mosu iha Janeiru to'o Setembru ne'e hamutuk 48, rezulta ema mate no ema kanek. Barak maka menoridade, tanba de'it sira utiliza motór beat ne'e", dehan Portavós Komandu Jerál PNTL, Superintendente Xefe, Arnaldo Araújo, iha Kuartél Jerál Kaikoli, Kuarta (23/09).

Arnaldo hateten, maioria ema ne'ebé mate kompostu husi labarik sira ho menoridade no balu joven mak hetan dezastre tanba monu ho motór.

Ba situasaun ne'e, nia husu ba joven sira no liuliu ba inan-aman sira atu kontrola nia oan sira, bainhira sai karik labele mosu asidente ba sira. (*) 

Published in Seguransa Defesa
Thursday, 24 September 2020 06:56

MNEK ezekuta ona osan tokon $.16

Tempotimor (Dili) - Ministra Negósiu Estranjeiru no Kooperasaun (MNEK), Adalgisa Xavier Magno deklara, husi fulan-Janeiru to'o Setembru 2020, MNEK konsege ezekuta ona osan hamutuk tokon US$16 husi Dotasaun Orsamentál Temporariu (DOT).

Nia hatutan, hanesan públiku hatene DOT ne'ebé uza iha fulan hirak ne'e ba sustenta de’it rekursu MNEK nian.

Nia afirma, liga ba proposta Orsamentu Jerál Estadu 2020 nian, MNEK hetan tokon US$ 20-resin, tanba ne'e soma hamutuk ho osan tokon US$ 16 ne'ebé antes ne'e gasta ona.

Ne'e duni, kona-ba proposta OJE 2020, daudaun parte MNEK esplika ona ba Komisaun B liuhusi audiénsia publika dahuluk ba OJE 2020 iha PN.

"Ami kuaze %70 ezekuta ona, hela de’it ona restu ne'e tempu badak ami sei ezekuta hotu kedan," dehan nia, hafoin audiénsia publika ba proposta OJE 2020 ho Komisun B, iha Parlamentu Nasionál, Kuarta (23/9).

Nia haktuir, normalmente alokasun OJE 2020 ba MNEK ho totál tokon US$ 28 maibé hetan redusaun tanba iha ámbitu surtu Covid-19, laiha viajen no laiha atividade importante ruma. (*)

Published in Ekonomia

Tempotimor (Dili)-Relasiona ho moras pandemia Covid-19 ne'ebé dadaun ne'e sei sai prekupasaun ba mundu inklui Timor-Leste, governu liu husi Ministeiru transporte no kumunikasaun sei evita aviaun komersial tama iha Timor-Leste.

Published in Politika

Tempotimor (Manufahi)-Eis Komadante ein Xefe Falintil Kay Rala Xanana Gusmão hatete, saudozu Nicolao Lobato mate iha Binani, Aldeia Maubesi, Suku Mindelu, Postu Administrativu Turiskai, Munisípiu Manufahi, tanba faila iha estratejia politika ba funu.

Published in Politika
Wednesday, 23 September 2020 15:18

PR Lú Olo Husu F-FDTL Servisu Nu'udar Lutu Nasaun

Tempotimor (Dili) - Iha enkontru semanál entre Xefe Estadu Maiór Jenerál F-FDTL, Majór Jenerál Lere Anan Timur ho Prezidente Repúblika (PR), Francisco Guterres Lú Olo, nu'udar komandante supremu forsa armada nian husu forsa sira servisu hanesan lutu ba nasaun.

Published in Seguransa Defesa
Wednesday, 23 September 2020 15:08

Governu Propoin Estende Tan EE

Tempotimor (Dili)- Relasiona Surtu Covid-19 ne'ebé kontinua sai ameasa iha mundu inklui Timor-Leste, governu liuhusi Konsellu Ministru propoin ba Prezidente Repúblika, Francisco Guterres Lú Olo, atu estende tan Estadu Emerjénsia ba dala VI.

Published in Politika
Wednesday, 23 September 2020 13:41

Arsénio: "Oekusi Susar Liu Bé Mos"

Tempotimor (Dili) - Prezidente Autoridade Rejiaun Administrativu Espesiál Oekusi-Ambenu, Arsénio Bano hateten, dadaun ne'e Oekusi susar tebes ba bee-moos, nune'e sei preve Orsamentu Jerál Estadu tinan fiskál 2020 hodi halo perfusaun iha fatin lima.

Published in RAEOA
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter