Ne'e duni, Forum Organizasaun Naun Governamentál Timor-Leste (FONGTIL) husu ba Prezidente Repúblika, atu foti solusaun lalais ba impase polítika iha rai laran.
"Ho situasaun polítika hanesan ne'e ami husu ba Prezidente (Repúblika) atu foti desizaun hakotu ona impase polítika ne'ebé la'o husi 2017 até agora, ne'ebé impaktu boot tebes ba povu," dehan Porta-vós FONGTIL, Elisabet Lino de Araújo, iha Palásiu Prezidensiál, Bairru-Pité, Kinta (30/1).
Iha enkontru ne'e, sosiadade sivíl la hato'o opsaun ruma, maibé fó opiniaun kona-ba situasaun ekonomia, finansiál no kondisaun povu nian.
Sosiadade sivíl rasik lamenta, bainhira governu nafatin ho duadesimu halo ekonomia no dezenvolvementu paradu to'o povu rasik durante ne'e la sente impaktu husi ukun rasik-aan ne'e.
Tanba ne'e, husu ba Prezidente Repúblika atu hakotu lalais ona impase polítika bazeia ba konstitusun no sosiadade sivíl rasik prontu apoiu. (*)