Tempotimor (Díli) – Tribunál Rekursu (TR), Kuarta (14/08/19) ofisialmente dekreta konstitusionalidade ba Lei kona-ba Rejiaun Administrativa Espesiál Oe-Cusse Ambeno (RAEOA). 

Tempotimor (Dili): Veteranus hamutuk na’in 25 iha komemorasaun loron restaurasaun independensia ba dala 17 simu Kolar Orden Timor Leste no Medalla Orden Timor Leste.

Tempotimor (Dili) Konsellu Superior Defeza no Seguransa (KSDS) realiza enkontru ho Prezidente Repúblika Francisco Guturres Lu Olo hodi diskuti kona-ba ezonerasaun no nomeiasaun ba Komandante Komponente sira iha instituisaun FALINTIL Forsa Defeza Timor Leste (F-FDTL).

Tempotimor (Dili) - Prezidente Bankada CNRT, Duarte Nunes konsidera defisil ba governu Aliansa Mudansa ba Progresu atu realiza mehi hodi loke kampu serbisu rihun 60, tanba Prezidente Repúblika Francisco Guterres Lu Olo kesi hela governu AMP nia ain.

By: Isac 

Tempotimor (Dili) – Prezidente Repúblika (PR), Francisco Guterres Lú Olo, Sesta (02/08/19) rona opiniaun husi Komandante Jerál PNTL, Komisáriu Faustino da Costa kona-ba nomeasaun ba xefe seguransa ba Prezidente Repúblika.

Tempotimor (Dili) - Sekretáriu Estadu Veteranu, Gil da Costa 'Oan Soru', relata atividade Ministériu ba Asuntu Kombatente Libertasaun Nasional nian ba Prezidente Repúblika, relasiona ho estabelesimentu Konsellu Veteranu.

"Ministrériu ba Asuntu Kombatente Libertasaun Nasionál nia atividade maka komisaun instaladora ba estabelesimentu Konsellu Kombatente Libertasaun Nasionál", Seketáriu Estadu Gil da Costa 'Oan Soru', iha Palásiu Prezidensiál Bairru-Pité, Tersa (11/6).

Iha soru-mutu ne'e konsege klarifika ona objetivu verifikasaun ba dadus sira inklui lalaok Komisaun Instaladora para estabele Konsellu Kombatente Libertasaun Nasionál ninia lalaok ne'ebé Prezidente Repúblika inteira hotu situasaun ne'e.

Komisaun instaladora forma ona komisaun organizadora iha munisipiu hotu, entaun iha fulan Jullu hahú ona ho konferensia munisipal nian.

"Kona-ba kongresu ba Konsellu Veteranu Libertasaun Nasionál nian sei hahú iha loron 1 to'o 3 Marsu 2020", dehan Oan Soru.

Tempotimor (Maubara) – Prezidente Repúblika (PR), Francisco Guterres Lú Olo, Sesta (09/08/19) presta omenajem ikus ba saudozu José Cirilio Nunes "Maubrani" iha saudozu nia knua, Maubara, Likisa.
Tempotimor (Dili) – Bankada Demokrátiku (PD) preokupa tanba Ministru Negósiu Estranjeiru no Kooperasaun (MNEK), Deonisio Babo la marka prezensa iha serimonia tomada de posse ba embaixadór na'in tolu ne'ebé reprezenta Timor-Leste iha Brazil, EUA no Nova Zelándia.
 
"Ohin Prezidente Repúblika (PR) fó posse ba embaixadór na'in tolu. Ha'u rona katak Ministru Negósiu Estranjeiru no Kooperasaun la marka prezensa iha tomada posse ne'e," dehan deputadu Bankada PD, Adriano do Nascimento iha plenaria, Tersa (13/08/2019).
 
Deputadu ne'e preokupa, tanba Timor-Leste haruka nia ema ba estranjeiru, maibé ministru ne'ebé tutela la marka prezensa.
 
"Ha'u preokupa katak ita haruka ita nia embaixadór ba ema nia rai, maibé ministru ne'ebé   toma konta ba ida ne'e, la marka prezensa. Sera que, ida ne'e parte ida husi boikota malu ka oinsá. Se hanesan ne'e, imajen ladún di'ak se PR fo pose, depois ministru ne'ebé toma konta la marka prezensa," Adriano hatete.
 
Hatan ba preokupasaun deputadu Adriano do Nascimento nian, portavoz governu dehan, MNEK la simu konvite husi PR.
 
Embaixadór na'in tolu ne'ebé ohin, Tersa (13/08/19) hetan tomada posse husi Prezidente Repúblika, mak Olimpio Branco nu’udar Embaixadór TL ba Brazil, Isilio Coelho nu’udar Embaixadór TL ba Estadus Unidos Amérika no Lisualdo Gaspar nu’udar Embaixadór TL ba Nova Zelándia.
 
Embaixadór na'in tolu ne'e mós hetan knaar liuhosi Dekretu Prezidente Repúblika númeru 36/2019, 37/2019 no 38/2019, nomeia husi VII Governu hamutuk ho embaixadores nain tolu seluk mak Governu VIII hasai tiha husi lista proposta AMP ninian.

Tempotimor (Dili) - Sekretáriu Estadu Veteranu hamutuk ho Komisau  Omenajem konsege identifika falsu rihun ida-resin durante tinan hirak ba kotuk.

"Iha lubuk ida ne'ebé ami diminui ona. Iha ema ne'ebé gosta inventa sasan tun-sa'e. Komisaun Omenajem hamutuk ho Sekretáriu Estadu Veteranu konsege minimiza ona", tenik Sekretáriu Estadu Veteranu, Gil da Costa "Oan Soru" iha Palásiu Prezidensiál, Bairru-Pité, Tersa (11/6).

Nia mós husu ba timorona balun ne'ebé hatene ema sira ne'ebé gosta inventa tun-sa'e sasan sira ne'e mai aprezenta para bele salva osan Estadu nian hodi fó ba kiak no mukit sira.

Governante ne'e mós dehan, ema sira ne'ebé konsege diminui ona husi veteranu ne'e sansaun tribunal mak fó, tanba ministériu ko'alia kona-ba administrasaun.

Tempotimor (Dili): Komisaun Funsaun Públika (KFP) entrega relatóriu anual tinan 2018 nian, ba Prezidente Repúblika, Kinta (19/07/2019) iha Palásiu Prezidensial Bairru-Pite. Relatóriu ne’e relasiona ho planu no serbisu hirak ne'ebé Komisaun Funsaun Públika halo ona durante tinan ida nia laran.

"Ohin, KFP mai entrega relatóriu anual 2018 nian ba PR. KFP entrega ona relatóriu anual ba Parlamentu Nasionál no mós Primeiru Ministru iha fulan hirak liubá. Nune'e, KFP mós iha kompromisiu atu entrega ba PR, nune'e ohin konsege mai entrega duni," hatete Prezidente KFP, Faustino Cardoso iha Palásiu Prezidensial, Bairru-Pite, Kinta (18/07/2019)

Tuir Faustino, PR mós husu kona-ba avaliasaun dezempeñu ba funsionáriu públiku sira, inklui kona-ba atendimentu públiku. 

"Agora daudaun ita iha funsionáriu hamutuk 34.017 bazeia ba dadus ikus iha fulan Dezembru 2018 ninian. Ne'ebé, inklui husi funsionáriu permanente no funsionáriu ajente administrasaun públika. Ita iha permanente ne'e hamutuk 27.000 itàl no restu ne'e ajente administrasaun públika," Faustino esplika.

Page 1 of 3

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com