Jurista timoroan hafoin konsulta ho Prezidente Repúblika, Francisco Guterres Lú Olo hateten, faktu situasaun atu hakotu impase liga ba konstitusun.
"Faktu agora mak orsamentu laiha, entaun ita fo solusaun polítika no jurídika atu Estadu ida ne'e iha fali osan," dehan Porta-vós Jurista Timoroan, Pe. Júlio Crispin, iha Palásiu Prezidensiál, Kinta (30/1).
Nia hateten, hanesan deklarasaun Primeiru Ministru, Taur Matan Ruak katak, karreta sunu ona entaun tenke buka fali solusaun hodi Estadu ne'e iha fali osan para sosa fali karreta foun.
"Kada faktu ho nia-solusaun jurídika ida-idak la hanesan," dehan Pe. Júlio.
Entertantu, Jurista Timoroan sira ne'ebé partisipa iha diálogu ho Prezidente Repúblika, Francisco Guterres Lu Olo, kompostu husi Pe. Júlio Chrispin, Avelino Coelho, Manuel Tilman, José Guterres no José Teixeira. (*)