"Ha'u Kontente loos tanba ohin bele viajen mai iha ne'e entrega Xeve ba ita-nia inan sira, ita-nia aman sira ferik katuas sira ne'ebé hetan previlejiu hetan uma kbi’it la’ek, mais uma ida seluk ne’e, sei entrega ba ita-nia inan aman uluk vítima funu nian”, dehan PM Taur Matan Ruak, inaugurasaun uma Memória ba Esperansa iha Likisá, kuarta (12/01). 

Tanba ne’e, sei servisu di'ak liután, atu oinsá bele konstribui ba Timor-Leste nia dezenvolvimentu ne’ebé la’o hela.

"Ha'u espera katak ita, bele halo esforsu, para bele implementa programa ida ne'e maibé implementa ho hanoin ida lori oituan halo barak la'ós lori barak halo oituan. Lori oituan halo barak ne'e diferensa boot duke lori barak halo oituan, barak oituan ne'e ema hothotu bele halo agora lori oituan halo barak so ema balubalun de'it e sira ne'e ida ne'ebé di'ak liu (os melhores)”, afirma nia.

Diretór Ezekutivu, Hugo Maria Fernandes, Programa Uma Memoria ba Esperansa nu’udar parte ida husi implementasaun Mandatu Centro Chega nian tuir Dekretu Lei 48/2016 mak atu tau-matan no apoiu Sobrevivente sira husi Violasaun Direitu Umanu ne’ebe akontese iha períodu 1974-1999. 

Nune’e mós nu’udar programa Prioridade Governu Konstitusional daualu nian ne’ebé hatur iha CNC nia responsabilidade atu fó tulun ba prezervasaun memoria pasadu sira no kontinua promove direitu umanu no rekonsiliasaun.

Tinan 2021, CNC hari’i Uma Memoria ba Esperansa 10 ba Sobrevivente sira ne’ebé hanesan, Domingos dos Santos, Vatuvou, Maubara, Likisá, Alcino dos Santos, Bauro, Lospalos, Lautein, Ilario Vilanova, Sepalate, Lospalos, Lautein, Olga da Silva, Ilimar1, Iliomar, Lautein, José de Carvalho, Bibileo, Vikeké, David Rodrigues, Mauchiga, Hatu-Builico, Ainaru, Benigna dos Santos, Leolima, Hatudu, Ainaru, Belarino Watu, Casabauk, Suai, Covalima, Duarte Augusto da Silva, Nahaek, Dili, no Faustino Barros, Vila Maumeta, Ataúru.

Ba Espesifikasaun Uma 9 ho medida 9x7, Kompostu husi, Kuartu, tolu, Sala ida, Haris fatin ida, Varanda ida no mós Dapur, kompleta ho instalasaun Eletrisidade, Plafon no Keramik, exeptu mak mobiliare ba uma. 

Uma ho medida 9x7 nia orsamentu hamutuk US$14,864.58 kada uma, inklui ona selu Badae

Uma ida iha Hatu-udu ho medida 5x7 kompostu husi Quartu ida, Varanda ida, Sala ida, Haris fatin ida no mós Dapur iha Li'ur, Uma kompostu ho instalasaun Eletrisidade, Plafon no Keramik Exeptu mobiliare ba uma. 

Husi Uma ida ne’e nia orsamentu ba konstrusaun hamutuk US$7,987 inklui ona selu Badaen.

Domingos dos Santos hanesan Estafeta no Sobrevivente to’o agora kontinua sofre moras tan hetan tortura husi Milisia no Tentará Nasional Indonézia (TNI) hafoin Masakre Igreja Likisá, iha 6 Abril 1999. TNI no Milisia mós sona ho tudik iha nia kotuk laran. Domingos mós partisipa iha luta ba ukun rasik-an nu’udar estafeta ba Falintil Rejiau IV.

Tanba ne’e, agradese ba apoiu politika no orientasaun servisu tomak husi Primeiru Ministru, Taur Matan Ruak ba CNC durante tinan 2018- 2022. (*)