Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Tempotimor (Dili) – Parlamentu Nasionál, seidauk rona informasaun kona-ba muda plantasaun Liquefied Natural Gas (LNG) husi Beasu, Munisípiu Vikeke ba fali Natarbora, Munisípiu Manatuto.

"Karik, Timor Gap halo ona estudu para halo investimentu iha rai maran ka dada kadoras mai iha Beasu ne'e. Karik buat ruma ne'ebé governu haree la viável, la fó oportunidade atu hetan profit ida ne'ebé di'ak. Ho ida ne'e, mak governu muda ninia estratéjia. Maibé husi mudansa ida ne'e, to'o agora Parlamentu Nasionál (PN), seidauk hetan informasaun husi Timor Gap," afirma Vise I Prezidente Parlamentu Nasionál (VPPN), Maria Anjelina Sarmento iha PN, Kinta (05/12/19).

Deputada ne'e afirma, buat ne'ebé durante ne'e Timor Gap aprezenta mak planta LNG estabelese iha Beasu, Betanu depois Covalima.

"Informasaun ne'e iha. PN seidauk simu, maibé sei pertinente. PN presiza hatene para apoiu ba polítika atu dezenvole no diversifika ita nia ekonómia liuhosi ita nia seitór petrolífeiru iha rai maran. Ha'u hanoin, governu iha responsabilidade atu mai hato'o iha parlamentu," dehan Anjelina.

Antes ne'e, Xefe Negosiadór ba Delimitasaun Fronteira Marítima Kay Rala Xanana Gusmão ho populasaun Beasu halo hela negosiasaun para halo indeminizasaun ho komunidade iha área refere, maibé parte rua la hetan solusaun. Tan ne'e, Xanana foti liman no propoin atu estabelese fali planta Liquefied Natural Gas (LNG) ba Natarbora.

Comment

Tempotimor (Dili) – Parlamentu Nasionál (PN), Tersa (10/12), sei halo aprovasaun no atribuisaun sidadania espesiál ba kontribuidór luta povu Timor Leste nian, Max Stahl ne'ebé durante ne'e apoiu Timor-Leste husi 1991 to'o ohin loron.

"PN sei halo votasaun no aprovasaun ba atribuisaun sidadania espesiál ba señor Max Stahl tuir rekomendasaun Sua Exelénsia Prezidente Repúblika (PR) nian. Loron 10 Dezembru, nu'udar mós loron direitus umanu nian. Nune'e ami sei aprova ida ne'e ho rezolusaun ida hodi entrega sidadania espesiál ba señor Max Stahl," dehan Prezidente Parlamentu Nasionál (PPN), Arão Noé de Jesus da Costa Amaral, Kinta (05/12/19).

Atribuisaun sisadania espesiál ba Max Stahl, tuir PPN, tanba nia kontribuisaun ba Timor-Leste, hahú kedas iha 1991 to'o ohin loron.

"Max Stahl nia kontribuisaun dezde 1991 to'o agora. Nia sei hela nafatin iha ne'e ho nia familia. Ida ne'e sujestaun PR, entaun PN konsidera. Nune'e, ajenda tau iha loron 10 Dezembru semana oin," tenik Arão.

Comment

Tempotimor (Dili) – Prezidente Parlamentu Nasionál (PPN), Tersa semana oin, sei lansa livru istória kona-ba Referendum, hamutuk ho istoriadór na'in 50 husi Austrália, Indonézia, Portugál no Nasoens Unidas. Istoriadór sira ne'e, mak hakerek livru ne'e.

"Iha Tersa (10/12/19) semana oin, parte lokraik nian, ami sei iha lansamentu livru kona-ba istória Referendum nian, mai husi istoriadores na'in 50, ne'ebé hatama sira nia istória mai. Nune'e, parlamentu simu livru ne'e para halo lansamentu," tenik PPN Arão Noé iha PN, Kinta (05/12/19).

"Istoriadór sira, Timoroan mak barak liu. Balun mai husi Australia hanesan Piter Cosgrove, balun husi Indonézia no Portugál, inklui mós husi Nasoens Unidus. Istoriadór sira ne'e mak hakarek esperiénsia durante Referendum iha 1999," dehan Noé.

Lansamentu livru ne'e, tuir PPN, loloos hala'o tiha ona iha 30 Agostu liubá, bainhira TL komemora loron Referendum ba dala 20. Maibe, nia dehan, momentu ne'e la konsege halo tanba atraza kona-ba preparasaun.

"Loloos, livru ne'e lansa iha loron 30 Agostu liubá. bainhira komemora tinan 20, mais ami atraza oituan kona-ba preparasaun, tanba ne'e mak so bele konklui agora," nia esplika.

Comment

Page 1 of 440

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com