Tuir informasaun ne’ebé www.tempotimor.com asesu iha pájina Gabineti Ministru Finansas, Rui Gomes nian, katak, taxa ezekusaun reál OJE 2022 ba Governu sentrál em termos valór/nominál até 20 fulan-dezembru tinan 2022 atinji ona billiaun US$1,54.
Nune’e, halo komparasaun taxa ezekusaun agora mak sai segundu maiór ba tinan 2016, ne’ebé Governu konsege ezekuta billiaun US$1,6.
Tinan 2021, maske Governu aplika Estadu Emerjénsia, Serka Sanitária no Konfinamentu Obrigatóriu, ne’ebé limita sirkulasaun ema no sasán sira, taxa ezekusaun reál OJE 2021 ba Governu Sentrál em termos valór/nominál até 31 fulan-dezembru tinan 2021, atinji billiaun US$1,4 ka 73% husi totál OJE retifikativu billiaun US$2,1.
Orsamentu Jerál Estadu (OJE) ba tinan 2022, ne’ebé antes ne'e aprova iha Parlamentu Nasional no hetan promulga husi Prezidente Repúblika ho montate US$1,675. (*)
