Login to your account

Username *
Password *
Remember Me

MAE 'Defende' Orsamentu Millaun $25 Finansia Programa UKL Plus

Ministru Administrasaun Estatal (MAE), Miguel Pereira de Carvalho. Ministru Administrasaun Estatal (MAE), Miguel Pereira de Carvalho. Foto Suplay

Tempotimor (Dili)-Ministru Administrasaun Estatal (MAE), Miguel Pereira de Carvalho, defende orsamentu hamutuk millaun $25 ba programa Uma Kbi’it La'ek Plus (UKL+) ne'ebé mak prevee iha proposta Orsamentu Retifikativu tanba sei fó benifisia ba benifisiáriu hamutuk 104.500 iha teritóriu laran.

“Entaun osan ida millaun $25 ne'e bele benifisia populasaun sira purvolta de rihun 100 so para atu halo uma ho entrega material konstrusaun komesa sira halo husi zero to'o remata. Agora benifisiáriu ba kalen sira para bele troka sira-nia kalen firuzen sira ne'e bele to'o rihun 4.500 benifisiáriu”, dehan nia iha debate espesialidade ba proposta Orsamentu Retifikativu iha plenária PM, tersa (10/05).

 Dadauk deputadu sira kria Proposta Númeru 9, husu atu elemina osan ne'ebe mk alokadu ba uma kbi’it la’ek plus ho totál montante millaun $25 tanba sira ho razaun rua, ida mak orsamentu UKL plus konta ona iha programa OJE 2022 no ida seluk mak Governu bele halo alterasaun orsamentál ba inkrimentu verba ne'ebé mak destinadu ba alargamentu do programa uma kbi’it la’ek.

Maibé parte Governu hakarak fó resposta katak uma kbi'it la'ek 2022 ne'ebé mak PN aprova ho orsamentu hamutuk millaun 71 ne'e, orsamentu ida ne'e destinadu atu konstrui uma kbi'it la'ek hamutuk rihun haat, iha suku hamutuk atusida-ruanolu-resin-haat (124).

Aleinde orsamentu ida ne'e destintu no tranferese ona ba suku sira atu hahú halo konstrusaun ba UKL ho total despeza hamutuk pursentu 45.5 no pursentu 55 seluk sei hahú transfere iha fulan-maiu nia laran.

“Entaun orsamentu ba uma kbi’it la’ek 4000 ida agora ne'e destinadu ona ba iha ne'eba, e ida ne'e señor distintu deputadu sira mak aprova atu halo ida ne'eba”, afirma nia.

Maibé programa uma kbi’it la’ek plus ne'e destinadu atu fó sira ne'ebé mak la hola parte iha uma kbi’it la’ek, tanba ne'e mak uma kbi’it la’ek ne'e iha komponente rua.

Dahuluk maka governu fo material konstrusaun tomak ba família sira hodi halo sira-nia uma rasik, no daruak Governu fó de'it materiál konstrusaun kalen para ke populasaun sira uza kalen sira ne'e atu troka sira-nia kalen sira ne'ebé mak firuzen.

“E ami planea ona atu uza osan millaun 5 ne'e hanesan havu informa ona iha audénsia katak ate 15 millaun bele utiliza para hodi halo obra de reabilitasaun ka entrega materiál konstrusaun tomak ba sira tomak para sira hahú husi zero”, dehan nia.

Ministériu Administrasaun Estatal mós halo ona estimativa téknika atu kada uma-kain, sei utiliza kustu to’o rihun 13, no ba fali distribuisaun zinku ka kalen, sei fó ba ema sira ne'ebé kalen firuzen ne'e aloka osan husi millaun $10.

“Depois kazu kalen sira ho nia folin $10 dolar pur metru de komprimentu ne'e ita bele sosa ate millaun $1”, hatete nia.

Tanba ne'e benifisiáriu sira ne'ebé mak tama iha uma kbi’it la’ek ne'e lahanesan ho sira ne'ebé mak tama iha uma kbi’it la’ek plus ida agora dadaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter