"Partidu balun ne'ebé mak ukun haruka nia estrutura iha baze ba foti hotu tiha, Partidu ne'e Sé? KHUNTO. Estrutura iha KHUNTO ba foti hotu material sira besi ne'e, no dehan tan imi ukun ba mak hein de'it imi nia konstrusaun uma Kbiit Laek nian, ne'e foin to'o de'it iha sinta seidauk taka kalen ida", nia dehan iha Parlamentu Nasionál, Segunda (16/01)

Nune’e, husu ba Ministériu Administrasaun Estatál (MAE) kria ekipa ida atu halo investigasaun, husu mós ba PDHJ (Provedór Direitu Umanu ba Justisa) no CAC (Komisaun Anti Korupsaun) tun ba terenu atu husu direita ba inan faluk ne'ebé Governu fó apoiu.

Maibé, Deputadu husi bankada KHUNTO, Luis Roberto da Silva argumenta, estrutura partidu KHUNTO la hanesan ho partidu sira seluk hodi trata ema iha media sosiál.

"KHUNTO no estrutura ne'e la hanesan CNRT nia estrutura diferensa boot tebetebes maluk sira maski KHUNTO ne'e foin mak harii iha tinan 2011, halo propaganda tun sa'e, ne'e nunka", nia afirma.

Tanba ne’e, imposivel estrutura KHUNTO hadau fali material sira ne'ebé atu halo konstrusaun ba uma Kbiit Laek.

Nia husu deputadu sira, ne’ebé reprezentante povu iha Parlamentu Nasionál tenke ko'alia bazeia ba faktus no fo informasaun loos ba públiku.

"Ita tenke tun direta haree ho matan, ida ne'e mak ita dehan fiskalizador", nia dehan. (*)