Login to your account

Username *
Password *
Remember Me

Tempotimor (Baukau)-Tribunál Distritál Baukau (TDB) liuhusi julgamentu aplika pena multa ba arguidu nain-rua ho inisiál AS no AMS ne’ebé komete krime aktu eleitóral iha eleisaun prezidensiál segunda volta.

Tempotimor (Baukau)-Arguidu na'in-3 oho JX iha Aldeia Darasula, Suku Gariguai, Postu Adminisitrativu Baukau Vila Munísipiu Baukau, sei hein despaisu husi Tribunál Distritál Baukau (TDB) hodi submete ba primeiru interogatóriu.

Tempotimor (Baukau)-Tribunál Distritál Baukau (TDB) absolve ona kazu Administrasaun danosa ne'ebé Ministéiru Públiku (MP) akuza ba eis Prezidente Autoridade Munisípiu (PAM) Baukau António A. Guterres.

Tempotimor (Dili)- Tuir planu, Sesta ohin (18/12) Sekretáriu Jerál Partidu FRETILIN, Mari Alkatiri sei hatama tan keixa ida ba Ministériu Públiku (MP).

Tempotimor (Dili)-Liga ba kazu balun ne'ebé kontinua pendente iha Ministériu Públiku (MP), maka deputadu Francisco Vasconcelhos nu'udar membru husi komisaun A Parlamentu Nasionál (PN) ne'ebé trata asuntu Justisa no Konstituisaun konsidera normál tanba presija ajusta andamentu kompleitu antes lori ba tribunal.

Tempotimor (Dili) - Haree ba sidadaun sira ne'ebé kontinua ultrapasa ilegál iha fronteira rai hodi ba sa'e sintu iha Indonézia, maka daudaun ne'e Polísia Nasionál Timor-Leste (PNTL) no Ministériu Interiór (MI) kontinua halo investigasaun hodi lori prosesu sira ba Ministériu Públiku (MP).

Tuir Vise-Ministru Interiór, António Armindo, sidadaun sira ne'ebé tama ilegál ne'ebé kaptura ona no kuarentena ne'e, kuandu kompleta ona sei lori prosesu ba MP.

"Sidadaun sira ne'ebé tama ilegál ne'e liu 300, ne'ebé agora loron-loron ita kontinua kaer, balun sei tama sai nafatin, ne'ebé númeru loloos ne'e ita labele ko'alia katak hanesan ne'e, maibé agora ne'e kontinua akontese. Ne'ebé to'o semana oin hanesan ne'e bele to'o 400 hanesan ne'e," dehan nia, iha Komandu Jerál PNTL, Kaikoli, Tersa (29/9).

Nia afirma, sira ne'ebé tama sai ilegál ne'ebé kapura ona ne'e kuandu kumpre ona kuarentena, maka PNTL iha papél depois halo investigasaun no entrega ba na’in, tanba MP mak na'in loloos.

Governante ne'e mós dehan, bainhira forsa kaptura, seidauk bele halo investigasaun, tanba la hatene ema ne'e moras ka lae? Entaun kumpre lai kuarentena maka foin halo investigasaun no lori ba MP.

Iha fatin hanesan, Komandante Jerál PNTL Komisáriu Faustino da Costa hateten, daudaun ne'e sidadaun na'in 100 resin mak livre ona husi kuarentena.

"Ita halo hela identifikasaun, la'ós Komandu Munisípiu Dili de'it, maibé kuaze ema na'in 100-resin ne'ebé Ministériu Saúde liberta ona, entaun halo hela prosesu identifikasaun ba sira hotu liuhusi servisu identifikasaun PNTL no servisu investigasaun Munisípiu Dili. Agora ita kontinua rejistu, desizaun ne'e iha Ministériu Públiku (MP) nia liman, tanba sira mak na'in prosesu ne'e," nia dehan. (*) 

Tempotimor (Dili)-Gabinete Kombate Korupsaun no Kriminalidade Organizada (GKKKO) iha Ministériu Públiku (MP) finaliza ona akuzasaun kontra 'padre' ida ho inisiál RD ne’ebé deskonfia komete abuzu seksual hasoru labarik kiik.

Tempotimor (Dili) - Primeiru Ministru (PM), Taur Matan Ruak, husu ba Prokuradoria Jerál Repúblika (PJR) hadi'a-aan, hodi atende komunidade iha parte justisa nian.

Tempo Timor (Dili) - Sekretariu Jeral FRETILIN, Dr. Mari Alkatiri sei hato’o Keixa ba Ministeriu Públiku (MP) hasoru membru CPN Partidu CNRT sira ne’ebé tuir akuza nia simu subornu husi Kompaña ConocoPhillips.

"Aban, loron-07 fulan-Jullu tinan-2020, iha oras tuku 10 dader HTL, Sekretariu Jeral FRETILIN, Dr. Mari Alkatiri sei hakat ba Gabinete Prokurador Jeral da Repúblika iha Colmera, Dili, atu hato’o ninia keixa hasoru membru CPN partidu CNRT nian sira ne’ebé raut fila fali lixu husi tinan-2002 ne’ebé akuza Dr. Mari Alkatiri simu subornu husi kompaña ConocoPhillips," informa iha Komunikadu de imprensa ne'ebe www.tempotimor simu This email address is being protected from spambots. You need JavaScript enabled to view it..

Koalia kona-ba prosesu ba Ministeriu Públiku, Sekretariu Jeral FRETILIN esplika katak iha tinan barak nia laran ona mak nia sai vitima ba black campaign oioin hahu husi diskriminasaun vitima ba vingansa oioin no vitima ba inveija. Tamba ne’e, Dr. Mari Alkatiri hatete, “tempu to’o ona ba ha’u atu halo apelu ba RDTL nia sistema Justisa.”

“Tempu to’o ona atu fo tempu ba Justisa Estadu RDTL nian,” Dr. Mari Alkatiri subliña.

Dr. Mari Alkatiri hahu ninia luta ba Timor-Leste nia independensia ho otas ne’ebé nurak tebes, seidauk atinji idade tinan 20. Ninia luta ba Timor-Leste nia Ukun Rasik An sei kontinua to’o ohin loron ho idade tinan 70 liu ona.

“Iha tempu naruk ida hanesan ne'e ha’u hasoru dezafiu oi-oin; Dezafiu luta kontra kolonialismu, dezafiu luta kontra espansionismu rejimi Suhartu nian, etc., maibé, dezafiu ida permanente liu no foer liu mai kedas husi ha’u nia maluk timor oan sira balu. Besik tinan lima nulu mak ha’u, ho hau nia familia tomak, sai vítima ba sira. Vítima ba diskriminasaun oin-oin, ba ódiu no vingansa, ba inveja.” Dr. Mari Alkatiri hatete.

Tuir Dr. Mari Alkatiri, hahalok at sira ne’e hasoru nia seidauk para maibé hetok sai boot no forte liu tan. Ate to’o ona iha faze ida ne’ebé mak ema sira ne’e rasik la konsege hafahe entre ida ne’ebé mak lia los no ida ne’ebé mak lia bosok.

“Agora, iha faze ida ne’ebé sira tama ba dezesperu, sira haboot tan sira nia odiu mai ha’u, sira hatudu momos sira nia frakeza, uza lia bosok atu difama, hala'o kalunia ho injuria, atu taka sira nia sala durante tinan sanulu resin rua ukun Timor-Leste. Atu halai husi Justiça, sira buka atu trava FRETILIN nia dalan ba vitória." Dr. Mari Alkatiri esplika.

Tamba ida ne’e duni mak Dr. Mari Alkatiri deside lori keixa ba Ministeriu Públiku hasoru CPN partidu CNRT nian ba lia bosok ne’ebé sira públika hasoru nia.

Tempu to’o ona ba Timor oan tomak atu hatene lia los kona-ba bosok sira ne’ebé partidu CNRT nia estrutura no kuadru balu halo.

“Lia los deit mak dalan diak ba Timor-Leste ida Buras Liu,” Dr. Mari Alkatiri konklui iha komunikadu refere.

Tempitimor (Dili) - Ministériu Públiku halo ona kontaktu informál no hein formaliza informasaun ho Ministériu Públiku Indonézia relasiona ho sidadaun Timor ne'ebe produs Osan falsu no kapturadu iha Indonézia.

Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter