Login to your account

Username *
Password *
Remember Me

MP Akuza Ona 'Padre' RD Abuzu Sexual ho Multa Liu $48.000

Prokurador Jeral da Republika, Jose Ximenes ko'alia ba Jornalista sira iha palasiu Prezidensial, Bairro pite, Dili (22/9) Prokurador Jeral da Republika, Jose Ximenes ko'alia ba Jornalista sira iha palasiu Prezidensial, Bairro pite, Dili (22/9) Foto File

Tempotimor (Dili)-Gabinete Kombate Korupsaun no Kriminalidade Organizada (GKKKO) iha Ministériu Públiku (MP) finaliza ona akuzasaun kontra 'padre' ida ho inisiál RD ne’ebé deskonfia komete abuzu seksual hasoru labarik kiik.

MP iha ninia akuzasaun kona ba abuzz sexual no a gravasaun no indenimizasaun sivil liu $48.000.

“Iha tempu badak ami sei haruka akuzasaun sira ne'e ba prokuradoria distritál Oekusse ne'ebé iha kompeténsia territoriál par julga," dehan PJR José iha Palásiu Prezidensiál Bairru-pite, Tersa (22/9).

Nia dehan, krime ne’ebé MP akuza ba Amu Lulik RD mak violasaun kontra monoridade.

"Krime saida mak ami akuza mak abuzu sexuál kontra minoridade ho nia agravasaun iha artigu 177 no 182, ho krime hamutuk 14, provavelmente bele liu tan ida ne'e, entaun dentru de prosesu krime, ami mós hato'o indeminizasaun sivíl liu rihun $48," nia dehan.

Iha akuzasaun ne'e, iha mós interporasaun sivil ba prokuradoria distritál Oekusse atu hodi fó sansaun deklarativu hodi taka orfanatu Topu Honis.

"Labarik sira ne'ebé iha hela iha orfanatu Topu Honis ne'e pasa ba responsabilidade estadu ka iha Ministériu Solidariedade Sosiál no Inkluzaun," nia dehan.

PJR ne’e dehan, akuzasaun ne'ebé MP halo la kontra Amu Lulik ka Igreja, maibé kontra pesoal sira ne'ebé servisu tinan barak ba igreja hanesan padre.

Antes ne’e Komisaun Justica no Paz hasai relatoriu ida hodi ataka no kondena parte sira ne;ebe serbisu ba protesaun diretu labarik sira nian. Tuir relatoriu refere Komisaun Justica no Paz akuza parte sira ne’e ameasa ki’ikoan sira, involve mafia justica no seluk tan.

Rate this item
(2 votes)
Last modified on Tuesday, 22 September 2020 19:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter