Login to your account

Username *
Password *
Remember Me

PR Horta Apoiu Ministériu Públiku Mantein 'Hakribi' Polítika

Prezidente Repúblika (PR), José Ramos Horta kaer liman hela ho Prokuradór Jerál Repúblika (PJR), Alfonso Lopes. Prezidente Repúblika (PR), José Ramos Horta kaer liman hela ho Prokuradór Jerál Repúblika (PJR), Alfonso Lopes. Foto Suplay

Tempotimor (Dili)-Prokuradór Jerál Repúblika (PJR), Alfonso Lopes hatete, Prezidente Repúblika (PR), José Ramos Horta, deside kontinua fó apoiu Ministériu Públiku (MP) mantein lejitimidade no hakribi polítika iha instituisaun laran.

“Eselénsia Prezidente mantein fó apoiu hanesan Xefe Estadu ba orgaun justisa liliu ministériu públiku, ninia asume sempre ho legalidade no lejitimidade iha instituisaun, nunka lori Ministériu Públiku ba zona polítika, ida-ne’e mensajen eselénsia Prezidente Repúblika nian”, dehan nia hafoin audénsia ho PR Horta iha Palásiu Prezidensiál Bairo Pite, kinta (23/06).

Durante iha audénsia, Ministériu Públiku atualiza ba Prezidente Repúblika kona-ba númeru majistradu atuál 37, ho ofisiál justisa sira hamutuk 115, inklui rejime Jerál funsionáriu Administrativu iha 130.

Iha mós instalasaun balun ko'alia kona-ba mobiliáriu to’o parte veikulu nian ne'ebé mak liu tinan 10 ona laiha kondisaun hodi halo kustu manutensaun sa'e maka’as.

“Tanba ida-ne'e kondisaun mobiliáriu materiál ne'e tenke di'ak para suporta majistradu sira ne’e tanba PJR emprega liuhusi sirkular estadu katak produtividade mensal ne'e sira tenke atinje pursentu 25 entaun kondisaun tenke iha ne'e, orgaun relevante tenke apoiu maka’as ba orgaun justisa ida-ne’e”, esplika nia.

Purtantu kona-ba mobikiariu prosesuaá ba atual hahú fulan-janeiru to’o maiu, ne'e kazu pendente maihusi tinan anterior sei iha 2.750 iha nivél nasionál no kazu foun ne'ebé mak tama mai rejistadu iha MP hamutuk 1.914.

Husi kazu hirak ne'e, Majistradu Ministériu Públiku konsege halo remete prosesu ida-ne'e, liuhusi investigasaun no halibur meius hothotu, tanba ne'e kazu konklui 2.843, husi kazu remata ne'ebé Ministériu Públiku halo akuza hodi submete ba tribunál hamutuk 1.614.

Iha mós kazu ne'ebé MP halo despaixa arkivamentu iha 1.229, ho ida-ne’e kazu ne'ebé tranzitadu pendente to'o fulan-maiu hamutuk 1.796, enkuantu kazu ne'ebé sei prosesu hela ho númeru as liu mak kazu ofensa corporation.

Ministériu Públika atualiza mós katak kazu violénsia domestika hahú husi fulan-janeiru iha 187, no husi entrada mai MP iha nível nasionál 415 no soma hamutuk númeru prosesu ne'e iha 602, maibé majistradu esforsu maka’as halo remata 514 no agora dadauk prosesu pendente aktual hela 86 de'it.

Ba fali kazu violénsia seksuál ne'e iha inisiu janeiru rejista 47 no tama foun 47 pois no remata 72, inklui mós kazu omesidu ne'ebé halakon ema nia vida ne'e rejistadu 78 no tama foun ne’e hamutuk 28 no ikus mai MP konsege despaisa akuzasaun no arkiva totál 51 ba Tribunál no agora pendente hela 55.

“Pois kazu PNTL ne'e rejistadu hahú husi janeiru ne'e 70, kazu tama rejistadu iha 16 ita-nia majistradu MP remata 25, pendente aktual 60, pois ba kazu F-FFDTL ne'e iha janeiru hamutuk 22 pois tama foun 5 de'it findu 3 no pendente aktual 24”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter