Login to your account

Username *
Password *
Remember Me

PDHJ Konsege Rejista Keixa Violasaun Diretu Umanu no Boa Governasaun 180

Provedora Diretu Umanu no Justisa (PDHJ), Jesuina Maria Ferreira Gomes. Provedora Diretu Umanu no Justisa (PDHJ), Jesuina Maria Ferreira Gomes. Foto Suplay

Tempotimor (Dili)-Provedora Diretu Umanu no Justisa (PDHJ), Jesuina Maria Ferreira Gomes informa, sira konsege rejista keixa kona-ba Violasaun Diretu Umanu no Boa Governasaun hamutuk 180 ne'ebé hato'o husi entidade sira iha tinan 2021.

“Totál keixa ne'ebé PDHJ rejista iha 2021 ne'e hamutuk 180 kompostu husi violasaun diretu umanu iha 78 no boa governasaun iha 102”, dehan nia hafoin audénsia ho Prezidente Parlamentu Nasionál (PN), Aniceto Longuinhos Guterres Lopes, iha PN, sesta (24/06).

Ba totál keixa 180 ne'e, PDHJ konsege loke prosesu investigasaun ba diretu Umanu nian hamutuk 44, no boa governasaun nian iha 36.

Iha tinan anteiror PDHJ mós hala'o atividade formasaun ba Membru Forsa Defeza Timor-Leste (F-FDTL) husi komponente terestre hamutuk 16 iha Munisípiu Baukau nomós fó formasaun ba Membru Polísia Nasionál Timor-Leste (PNTL) hamutuk 6 iha Munisípiu Lautein, Vikeké, no Manatutu.

Iha ne'e, PDHJ halo mós delegasaun teritoriál sira kona-ba halo divulgasan no desiminasaun ba informasaun kona-ba diretu umanu no boa governasaun ba komunidade sira hamutuk ema na’in-1800.

Maibé ba fiskalizasaun monitorizasaun iha 2020-2021 ne'e PDHJ halo monitorizasaun barak liu kona-ba implementasaun Estadu Emerjénsia, tanba COVID-19 nune'e iha tempu ne'ebá konsege halo relatóriu kona-ba prosesu Estadu Emerjénsia hamutuk 19.

“Tanba Estadu dekreta Estadu emerjénsia 19 ne'e PDHJ prepara nia relatóriu, ne'ebé ita halo ona nia kompilasaun ida husi 1 to'o 19 ne'ebé relatóriu ne'e ita tau hamutuk sai ida de'it e entrega ona ba PN, Prezidente Repúblika e mós ba parte Governu”, afirma nia.

Iha tinan hirak liubá PDHJ mós halo ona monitorizasaun regular ba detensaun iha eskuadra Polísia sira nomós iha prizaun sira nune'e iha relatóriu tematiku ne'e sira liliu kona-ba fasilidade saúde ba inan isin-rua sira nomós ba asaun Polísia sira ne'ebé mak halo iha Tasitolu, kazu Ainitas Hun, Taibessi, Komoro, ne'e hamutuk atividade 21.

PDHJ hala’o atividade ne'e bazeia ba planu estratejiku, ne'ebé mak iha metas haat, no  iha 2021, PDHJ iha nia programa hamutuk 7, inisiu iha programa 11, iha nia atividade 43.

Husi totál atividade 43 ne'e, PDHJ konsege realiza 36, no 7 mak la realiza tanba mosu situasaun COVID-19 ne'ebé atividade sira hanesan desiminasaun no formasaun ne'ebé mak envolve ema barak  la konsege realiza hotu.

Ho rezultadu servisu ida-ne'e, PDHJ iha loron sesta (24/06) marka audénsia ho Prezidente Parlamentu Nasionál hodi ko'alia kona-ba relatóriu anual 2021, tanba tuir Estatutu PDHJ no lei númeru 7/2004, iha artigu 46 hatete, iha loron 30 juñu kada tinan, PDHJ tenke submete relatóriu Anual PDHJ ba PN hodi aprezenta atividade sira ne'ebé hala'o iha tinan anterior.

“Ohin ami iha audénsia ne’e atu aprezenta rezumu relatóriu ne'e rasik e Prezidente marka ona ajenda dia 28 tersa-feira semana oin, PDHJ sei mai halo aprezentasaun ba Parlamentu Nasionál”, hatete nia. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter