Jornalista Raikundo Oki ne’ebé mosu iha edifísiu Polísia Sentifíka Invistigasaun Kriminál (PSIK) iha loron kinta (30/06) dader tanba hetan kontaktu husi investigaór PSIK nia atu presta deklarasaun kona-ba Criminalidade Violente e Organizada ka violasaun ba segredu justisa, relasiona ho kazu visum obrigatóriu hasoru labarik sira iha Topu Honis, Rejiaun Administrativa Espesiál Oekussi Ambeno (RAEOA).
PSIK ne’ebé notifika Jornalista Raimundo Oki, tanba hetan delegasaun kompeténsia husi Ministériu Públiku (MP) ho Número Único Crime (NUC) 0054/21.PGGCC.
“Ministériu Públiku delega kompeténsia ba PSIK hodi halo prosesu invistigasaun ba kazu ida naran Criminalidade Violente e Organizada, organizada hanesan ohin konforme informasaun husi invistigadór kona-ba kazu krime violasaun segredu justisa, ha'u mós la hatene segredu justisia oinsá, nia husu ha'u maibé ha'u uza direitu nonok, ha'u dehan segredu justisia liga kazu kona-ba visu obrigatáriu ba labararik Ofornatu sira Topo Honis, ha'u hanoin buat hothotu fó sai tiha ona ba públiku, notísia eskrita, vídeo buat hotu fó sai tona ba públiku”, hatete Oki iha edifísiu PSIK, Kaikoli, kinta (30/06).
Bainhira husu kona-ba kazu sira ne’e, Raimundo Oki deside uza direitu nonok hodi hein prosesu to’o tribunál mak bele esklarese lolos ba malu.
“Ha’u-nia prekupasaun mak prezensa ohin ne'e atu mai kumpri de’it parte PSIK, ikus mai investigadór hatete mai ha'u katak sira konstitui ha’u nu’udar arguidu ba kazu violasaun segredu justisia”, afirma nia.
Hanesan sidadaun Timor-Leste, tanba ne’e deside koopera ho parte PSIK, ne’ebé kontaktu nia iha loron kuarta (29/06) katak, iha loron kinta (30/06) tenke marka prezensa iha edifísiu PSIK hodi presta deklarasaun, maibé Arguidu Oki deside hili dalan nonok.
“Ohin ha’u mai koopera, horseik (29/06) PSIK telefone ha'u dadersan, ohin molok tuku 9 ha'u iha ne'e tiha ona, ne'e hatudu katak tenke koopera atu haree kazu nene'e nia lala’ok ba ne'e oins’a”, hatete nia.
Ba estatutu dadaun ne’e hanesan arguidu ba kazu violasaun segredu justisia, maibé Raimundo Oki rasik la hatene kontiudu oinsá-oinsá, tanba nia parte hili dalan nonok, bainhira posesa julgamentu iha tribuinál hafoin foin hatene violasaun segredu justisa oinsá.
“Invistigadór parte PSIK delegasaun parte kompeténsia husi Ministériu Públiku hodi hala’o servisu sira hanesan ne'e, ohin esplika hanesan ne'e de'it tanba ha'u hili direitu nonok ka la’e prontu ha'u prense de’it hotu ona. (*)
