Login to your account

Username *
Password *
Remember Me

MP Deside Entrega Hikas Karreta Sukata 138 ba Importandór

Ekipa Servisu Alfandega hamutuk ho Ekipa Ministeriu Publiku nia hasa'i hela Police line ne'ebe dada halaeu karreta Sokata iha Portu Dili. Ekipa Servisu Alfandega hamutuk ho Ekipa Ministeriu Publiku nia hasa'i hela Police line ne'ebe dada halaeu karreta Sokata iha Portu Dili. Foto Suplay

Tempotimor (Dili)-Ministériu Públiku (MP) foti desizaun entrega hikas karreta sukata hamutuk 138 ba kompaña Timoroan hamutuk 13 servisu hamutuk sosa husi nasaun Austrália hatama mai Timor-Leste iha fulan-Maiu.

Diretór Nasionál Operasaun Alfándega, Armindo dos Santos hatete, polimika karreta sukata hamutuk 138 ne'ebé mak iha fulan-maiu nia laran kompaña Timoroan hamutuk 13 servisu hamutuk hatama husi nasaun Austrália mai Timor-Leste laiha indikasaun ba krime ruma, tanba tribunál deside liberta hikas ona husik kompaña sira bele halo prosesu normál.

Desizaun prokuradór jerál distritál Dili deside karreta sukata aat hamutuk 138 ne'e bele entrega fali ba kompaña sira hodi halo prosesu normál bele selu taxa iha alfándega, tanba sira la viola regra.

“Ohin ita hamutuk iha ne’e hasai tiha police Line ne’ebé  dada haleu karreta sira durante fulan rua nia laran iha kestaun balun ita presiza haree hamutuk buka solusaun, tanba karreta balun kondisaun soke aat mak kompaña sira hamata mai, maibé desizaun sai Tribunál liberta entrega karreta ne’e ba na’in komapaña sira bele halo prosesu normál”,  dehan Armindo, iha Portu Dili, kinta (30/06).

Iha kestaun balun ne’ebé mak tribunál deside ona katak ba oin tenke hadi’a sistema importasaun karreta sira husi rai-liur mai Timor-Leste tenke ho kondisaun di’ak, tanba ne’e ba oin karreta aat sira sei la hatama tan ona.

“Kestaun balun ne'ebé ita-nia importadór sira haruka karreta sira ne'ebé mak mai ho kondisaun a'at tan ne'e instituisaun sira hakarak atu hadi’ak oinsá atu importadór sira haruka karreta ne'ebé mai Timor-Leste ne'e ho priense kritéria tuir dekretu-lei 30/2011 ne'e ho kondisaun ne'ebé mak di’ak”, afirma nia.

Durante ne’e ekipa konjunta servisu hamutuk halo operasaun iha Portu Dili deteta karreta sira ne’e kompaña timoroan sira hatama husi nasaun Austrália mai kodisaun soke aat hotu, tanba husu tribunál hodi haree nia legalidade sira ne’e iha indikasaun ba krime ruma ka la’e, maibé ikus mai desizaun sai sira la viola regra.

“Karreta ne’ebé mak ami ekipa operasaun konjunta iha Portu Dili deteta hato’o ba Ministériu Públiku hodi buka solusaun mak ikus mai hasai despaixu ida husi Prokuradór Jerál Distritál Dili ho númeru úniku krime 0112/PNSIK/2022 atu liberta total ba merkadoriál sira ne'ebé mak iha Portu Dili”, katak nia.

Tanba ne’e desizaun juridiku husi tribunál deside ona ekipa konjunta hahú ohin ba oin entrega hikas karreta sukata aat hamutuk 138 ba kompaña sira hodi halo prosesu normál selu administrativu tuir regra alfándega nian.

“Karreta sira ne’e ita entrega ba na’in atu halo ona prosesu Administrativu ne'e iha alfándega no prosesu taxa ho dokumentu sira no priense rekezitu inklui halo deklarasaun ida ho sira, atu nune'e ba oin sira labele hatama tan karreta sira ne'ebé ho kondisaun aat mai Timor-Leste”, haktenik nia.

Ba karreta hamutuk 138 kompostu husi karreta soke aat  ne’e 95 no kondisaun di’ak  43, ba oin kompaña timoroan sira ne’ebé servisu hamutuk hatama husi nasaun Austrália bele prosesu normál no ba oin kompaña timoroan sira hakarak hatama karreta husi rai liu mai Timor-Leste tenke ho kondisaun di’ak.

“Agora ba oin ita aturiza ba sira atubele hatama karreta mai Timor ho kondisaun ne'ebé di’ak atu nune'e konsumidór sira ne'ebé hola karreta ne'e mós ho kontente, tanba sira lakon ona sira-nia osan siknifika katak ho karreta ida ne'ebé kondisaun di’ak para sira mós goja ho sira-nia osan ne'ebé lakon ba karreta ne'e”, dehan nia.

Ba oin mak kompaña sira la kumpri hatama fali karreta aat husi rai-liur mai mak konsumidor sira lakon osan sosa uza ba at fali, sira halo fali keixa ruma ba PNTL sira ne’e kompaña importadór mak sei toma responsabildade kona-ba aktu sira ne’ebé mak akontese.

Tanba ne’e, kompaña mesak Timoroan hotu ne'ebé rejistu iha server hamutuk 13 iha dokumentu kompletu legál sira sosa karreta ne'ebé tuir prosedimentu ne'ebé iha bazeia ba dekretu-lei númeru 30/2011.

Instituisaun hothotu tau ona hanoin tenke hadi’a oinsá atu ba futuru ho situasaun ida ne'ebé halo iha fulan ida-ne'e nia laran atubele trava sira no haruka sira hadi’a regulamentu lei númeru 30/2011 atubele implementa iha futuru.

“Agora ba oin ita hein lei ida ne'ebé horseik ita submete ona ba Konsellu Ministru atu halo apresiasaun ba lei ne'e bainhira hetan ona aprova  husi Konsellu Ministru ona promulga husi Prezidente Repúblika publika ona iha jornal repúblika dehan implementa ona, ba oin se mak ninia sasán ne'e tama mai mak viola fali regra tenke prosesu sira”, deklara nia. (*)

Rate this item
(0 votes)
Last modified on Thursday, 30 June 2022 16:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter