Prezidente Komisaun B, José Agustinho Siqueira "Xomotso" hatete, sira-nia parte prepara hela atu halo aprovasaun ba relatóriu pareser Konvensaun Diretu Defisiénsia nune'e bele aprezenta ba meza Parlamentu Nasionál hodi halo Ratifikasaun.
“Ohin ne'e ami atu aprova relatóriu pareser para submete ba segunda-feira ne'e. Governu asina tiha ona, agora Ratifika ne'e iha Parlamentu Nasionál la’ós Governu mak atu ratifika. Tanba ne'e mak submete hotu mai iha Komisaun B Parlamentu nasionál atu halo audénsia ho halo relatóriu pareser para submete ba plenária atu ratifika”, dehan nia iha PN, kinta (30/06).
Tanba audénsia entre Komisaun B ho entidade governativa sira ne'e finaliza ona iha loron kuarta (29/6) tanba ne'e sei prepara relatóriu pareser atubele aprezenta ba meza PN.
Ba Konvensaun Direitu Defisiensia ne'e Komisaun B haree katak importante tanba nu’udar Responsabilidade boot husi estadu oinsá bele haree kona-bá infraestrutura ho kondisaun hothotu no oinsá bele proteze no dignifika defisiénsia sira.
“Ne'e hanesandehan diretu umanu ne'ebé ita tenke haree sira-nia diretu. Ne'ebé responsabilidade sei boot husi Ministériu Solidariedade Sosiál no Inkluzaun ho sira ne'ebé hanesan tama konta ba infraestrutura”, afirma nia.
Tanba defisiénte matan no sira ne'ebé labele la'o ne'e tenke kria kondisaun infraestrutura ruma ne'ebé dignu ba sira nune'e fasil ba sira atu asesu. (*)
