Login to your account

Username *
Password *
Remember Me

Alkatiri Lakohi Komenta Prosesu Keixa Hasoru Deputadu CNRT 21

Sekretáriu Jerál Partidu FRETIKIN, Mari Bim Amude Alkatiri. Sekretáriu Jerál Partidu FRETIKIN, Mari Bim Amude Alkatiri. Foto Suplay

Tempotimor (Dili)-Sekretáriu Jerál Partidu FRETIKIN, Mari Bim Amude Alkatiri, deside lakohi fó komentáriu kona-ba prosesu keixa hasoru Deputadu CNRT na’in-21 ne'ebé aprezenta ba Ministériu Públiku (MP) iha loron 6 fulan-novembru tinan 2020.

“Husu ba Ministériu públiku, labele husu mai ha'u, ne'e husu ba MP. ha'u aprezenta ona keixa, agora iha Ministériu Públiku nian liman, ha'u labele presaun”, dehan nia iha Palásiu Prezidensiál Bairo Pite, tersa (08/08).

Antes ne’e, iha loron 6 fulan-novembru tinan 2020, Sekretáriu Jerál Partidu Frente Revolusionáriu Timor-Leste Independente (FRETILIN), Mari Alkatiri deside aprezenta keixa ba Prokuradória Jerál Repúblika hodi Kontra deputadu na’in-21 husi Bankada CNRT tanba lansa akuzasaun falsu liuhusi konferénsia Imprensa.

“Ha'u mai aprezenta prosesu keixa krime ida hanesan ha'u promete kleur ona, keixa ne'e kontra bankada CNRT husi xefe bankada to'o deputadu 21 ne'e hotu, tanba ko'alia laloos, entaun sira tenke mai hatán liuhusi Ministériu Públiku, depois mak deside lori ba tribunál ka la’e”, dehan Mari Alkatiri hafoin entrega keixa ba MP.

Konteúdu husi keixa ne'e iha ona justisa, tanba ne'e labele públika sai ba públiku maibé hein de'it MP sei bolu hikas nia ho deputadu 21 atu ba hatan iha MP.

“Sira halo deklarasaun iha uma PN, Mais la'ós iha plenária, sira halo konferénsia imprensa”, katak nia.

Iha momentu ne'ebá, Alkatiri mó promete sei lori tan keixa aprezenta ba MP hodi kontra ema sira ne'ebé ko'alia kona-ba grupu skylight.

“Grupu skyligth nian ne'e keixa tuir mai, sira ne'ebé ko'alia buat ne'e sei mai hatán”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter