Kazu Pendente iha MP, Vasconcelhos: Presiza Andamentu

Deputadu Francisco Vasconcelhos husi bankada PLP Deputadu Francisco Vasconcelhos husi bankada PLP Foto Tempo Timor

Tempotimor (Dili)-Liga ba kazu balun ne'ebé kontinua pendente iha Ministériu Públiku (MP), maka deputadu Francisco Vasconcelhos nu'udar membru husi komisaun A Parlamentu Nasionál (PN) ne'ebé trata asuntu Justisa no Konstituisaun konsidera normál tanba presija ajusta andamentu kompleitu antes lori ba tribunal.

Tuir nian, kazu pendenti iha nasaun ne'ebé deit sempre iha, tanba presiza andamentu prosesu, tanba ne'e molok ba tribunál dadus tenke kompleitu.

Deputadu ne'e mós fó ezemplu katak, iha Portugal kazu pendente lou tokon ida, tanba krime aumenta presija rekursu, maibé rekursu barak mós prosesu andamentu tenke kompleitu. Tanba ne'e kazu balun pendente, maibé la signifika MP lahalo servisu.

"Kuandu informasaun la kompleitu, testemuña sira dalaruma falta, buka, ne'e katak andamentu tenki kumpri rekezitu formál sira mak foin prosesu lori ba tribunal, tamba ne'e mak ita labele foti katak kazu pendente barak ne'e signifika servisu ladi'ak ka kapasidade mak laiha, ne'e lae," dehan Vasconcelhos ba www.tempotimor.com iha edifísiu Ministeiru Finansas (MF) Aitarak laran, Dili, Sesta (9/10).

Deputadu husi PLP ne'e salienta, Parlamentu Nasional (PN) iha lejislarura dalima, komprometidu ho guvernu atu reforsa setór justisa, tanba ne'e durante audiénsia iha PN, komisaun A husu para MP tenki perpara rekursu umanu.

"Kuandu ita iha rekursu umanu, iha kapasitasaun ba prokuradór jerál sira tanba asaun pena ne'ebé sira foti tenki ho prokurador sira ne'ebé iha kualifikadu," dehan nia.

Nia mós afirma, PN kontinua apoiu MP oinsá bele mellora servisu iha futuru, entaub presija iha kapasitasaun, formasaun bei-beik, para iha justisa ne'ebé di'ak ba ema hotu.

Entretantu, liga ba lei organizasaun judisiál ne'ebé seidauk iha, maka Vasconcelhos husu governu, liu-liu Ministeiru Justisa (MJ) perpara esbosu lei organizasaun judisiáriu nia hodi lori ba PN, tanba lei refere importante no halo alterasaun ba estatutu MP nian.(*).

Rate this item
(0 votes)
Last modified on Saturday, 10 October 2020 23:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks