"Agora iha kontaktu informál ne'ebé ita halo para formaliza tanba bele rejista iha ne'e bainhira ita kontaktu malu ho karta formál para sira haruka informasaun mai no agora daudaun ami halo hela kontaktu informál ba malu," dehan Prokuradór Jerál Repúblika, José Ximenes, iha Palásiu Prezidensiál, Bairru-Pité, Segunda (9/3).
Nia hatutan, entre Timor-Leste ho Indonézia laiha kooperasaun judisiariu, maibé Timor-Leste liuhusi Polisia Nasionál Timor-Leste (PNTL) no Polisia Indonézia iha kontaktu.
"Karik sidadaun ne'ebé envolve bele deteta haruka mos informasaun mai Ministériu Públiku para halo mós investigasaun ba ida ne'e. Ami iha kontaktu ho sira no ha'u-nia adjuntu mak sei halo kontaktu," dehan José.
Entertantu, kazu osan falsu ne'ebé deskonfia envolve husi timoroan ne'ebé kaptura iha Indonésia, kazu ne'e viral iha média sosiál bainhira suspeitu ida ne'ebe deskonfia besik liu ba partidu bo'ot ida, temi lider istoriku Xanana Gusmão no komandante Maunana nia-naran. (*)