Tempotimor (Dili) - Tuir planu traballadór Timoroan na'in-51 sei aranka ba nasaun Korea súl iha loron tersa, 30 fulan-marsu tinan 2021, maibé balun komfirmadu pozitivu Covid-19.

Diretór Ezekutivu Diresaun Nasionál Empregu Exterior (DNEE) husi Sekretáriu Estádu Formasaun Profisionál no Empregu (SEFOPE), Filomeno Soares hatete, númeru traballadór 51 mak atu aranka ba Korea, maibé iha balun tuir teste SWAB la liu, nune'e aban mak bele hatene klaru, hira mak atu ba.

"Atu fó hatene de'it katak ha’u foin simu informasaun kalan ne'e dehan katak, husi traballadór 51 teste PCR ne'e iha balun mk laliu, aban (30/03) ita rona lós”, dehan Diretór ne'e ba www.tempotimor.com, segunda (29/03).

Traballadór ne'ebé atu ba Korea ne'e, antes servisu ona iha ne'eba, kontratu hotu fila tiha ona mai Timor-Leste, maibé kompaña mak presiza fali, entaun sira tenke ba fali Korea do Sul.

"Totál traballadór ne'ebé aban ba Korea 51 pesoál, husi sira ne'e traballadór tuan hotu ne'ebé servisu tiha iha Korrea no agora sira-nia empregadór mak persiza nafatin sira hodi fila ba kontinua servisu”, informa nia.

Traballadór balun ne’ebé aranka ba Korea ho Aviaun Citilink hanesan pasajeiru bai-bain. (*)

Tempotimor (Dili)- Sekretáriu Estadu Kooperativa (SEKoop), Elizário Ferreira, hasai despaixu ida hodi limita prezensa funsionáriu sira nian iha kada diresaun ema na’in 4 de'it mak bele servisu ho normal, tanba serka sanitária no konfinamentu domisiliáriu jerál hodi evit propagasaun Surtu COVID-19.

Tempotimor (Dili) - Ekipa Konjuntu ba Prevensaun no mitigasaun Surtu Covid-19 evakua ona pasiénte Covid-19 ida iha área eis merkadu Komoro, aldeia 03, suku Fatuhada, Postu Administrativu Don Aleixo, Munisípiu Dili.

Tempotimor (Dili) - Prezidente Partidu Congresso Nacional de Reconstrução Timorense (CNRT), Kay Rala Xanana Gusmão ezije Ministériu Públiku (MP) atu fó notifikasaun ba nia hodi sai argidu ba keixa ne'ebé Sekretáriu Jerál Partidu FRETILIN, Mari Alkatiri halo hasoru membru Kosellu Polítika Nasionál (CPN) na’in-21.

Tempotimor (Dili) - Konsellu Superior Defeza no Seguransa (KSDS) no Konsellu Estadu (KE) deside haruka renovasaun Estadu Emerjénsia (EE) ba Parlamentu Nasionál hodi halo aprovasaun.

Tempotimor (Dili) - Konsellu Ministrus (KM) Estraordináriu iha loron 29 fulan-marsu tinan 2021 aprova ona renovasaun serka sanitária no konfinamentu domisiliáriu jerál ba Munisípiu Baukau no Vikeke iha loron haat (29 fulan-marau to’o 2 fulan-abril tinan 2021).

Tempotimor (Dili) - Hafoin prezensa Prezidente Partidu Kongresso Nasional Rekonstrusaun Timorense (CNRT), Kay Rala Xanana Gusmão, iha Ministériu Públiku (MP) apoiante sira balun hakilar fó viva ba Sekretáriu Jerál Partidu FRETILIN, Mari Alkatiri.

Tempotimor(Dili) - Bankada CNRT iha Parlamentu Nasionál (PN) konsidera Prokuradór Jerál Repúblika (PGR), José da Costa Ximenes 'nega' matak paradeiru Sekretáriu Jerál partidu CNRT, Feancisco Kalbuady iha rai liur.

Tempotimor (Dili) - Komandu Polísia Nasional Timor-Leste (PNTL) Munisípiu Dili foti medidia hodi "obriga" simpatizante Kay Rala Xanana Gusmão ne'ebé halibur malu husi Jardin Kolmera to’o área Mandarin Dili hodi fó ultimatu minutu 10 hodi husik hela Jardin Bebora, tanba kontra regra Serka Sanitária (SS) no konfinamentu domisiliáriu obrigatóriu.

Liuhusi mikrofone, Segundu Komandante PNTL Munisípiu Dili, Superintendente Asistensia Euclides Belo, aviza ba grupu ne'ebé hatais faru Xanana Gusmão hanaran Saladeus inklui komunidade no funsionáriu husi Ministériu Turismu Komérsiu no Indústria atu fahe malu no ba ida-ida nia nia fatin.

"Maluk sira ne'ebé iha karaik ne'ebá, kuandu laiha nesesidade fila ba uma, minutu sanulu nia-laran, kuandu liu ida ne'e ha’u bolu trek mai tula ita-boot sira”, dehan Euclides iha Bebora Dili, segunda (29/03).

Euclides hatete, grupu simpatizante, komunidade sira ne'ebé halibur malu bainhira lahalo tuir avizu ne'ebé hato'o, PNTL sei foti medidas tuir lei.

Entertantu tuir observasaun www.tempotimor.com iha terrnu nota, dader iha jardin Kolmera grupu ne'ebé hanaran Saladeus hatais faru líder Xanana halibur malu hodi hein prezensa to’o Xanana sai husi MP tuku 09:40 otl.

Hafoin iha Jardim Kolmera, grupu Saladeus kontinua mobiliza malu la’o ain to’o edifisiu GMN hodi halibur malu iha área jandin Bebora to’o envolve mós funsionariu balun husi MTKI no komunidade iha área Mandarin.

Nune'e, PNTL rasik konsege atua hodi haruka fila grupu hanutuk ho komunidade sira fahe malu..

Prezidenti CNRT, Xanana Gusmão nia prezensa iha Ministériu Públiku (MP) hodi reprezenta kuadru inportante husi CPN-CNRT relasiona ho keixa Sekretáriu Jerál Fretilin Mari Alkatiri kona-ba akuzasaun subornu.

Entertantu, bazeia ba deklarasaun Estadu Emerjénsia (EE) no dekretu Prezidente Repúblika (PR) númeru 15/2021 data 1 marsu no dekretu governu númeru 6/2021 data 02 Marsu kona-bá medida ezekusaun ba deklarasaun EE nian relasiona ho Pandemia covid-19 bandu ema atu halibur malu no manifesta iha fatin públiku.(*)

Tempotimor (Dili) - Bankada CNRT iha Parlamentu Nasional (PN) konsidera deklarasaun Prokuradór Jerál Repúblika José da Costa Ximenes, ses husi korredór Jurídiku Timor-Leste nian, tanba hasai deklarasaun katak notifikasaun ba deputadu 21 bele fó iha fatin ne’ebé de’it.