KM Renova SS iha Munisípiu Baukau no Vikeke Ba Loron Haat

Konsellu Ministru liu husi konferensia video, Segunda (29/3) Konsellu Ministru liu husi konferensia video, Segunda (29/3) Foto Espesial

Tempotimor (Dili) - Konsellu Ministrus (KM) Estraordináriu iha loron 29 fulan-marsu tinan 2021 aprova ona renovasaun serka sanitária no konfinamentu domisiliáriu jerál ba Munisípiu Baukau no Vikeke iha loron haat (29 fulan-marau to’o 2 fulan-abril tinan 2021).

“Konsellu Ministru aprova mós projetu Rezolusaun Governu nian ba renovasaun impozisaun serka sanitária no konfinamentu domisiliáriu jerál ba populasaun iha munisípiu Baukau no Vikeke to’o tuku 23:59 loron 2 fulan-abril tinan 2021”, deklara Ministru Prezidente Konsellu Ministru, Fidélis Magalhães liuhusi karta komunikadu, segunda (29/03).

Tanba ne’e, mantein nafatin regra sira hotu ne’ebé antes ne’e define ona iha Rezolusaun Governu nu. 17/2021, 18/2021, 19/2021 no 20/2021 loron 15 fulan-marsu, ne’ebé impoin serka sanitária no konfinamentu domisiliáriu iha munisípiu Baukau no Vikeke.

“Nune’e, kontinua bandu sirkulasaun ema nian entre munisípiu rua ne’e ho sirkunskrisaun administrativa sira-seluk, exetu iha kazu sira ho fundamentu forte tanba razaun seguransa públika, saúde públika, asisténsia umanitária, manutensaun husi sistema abastesimentu públiku ka ba realizasaun interese públiku nian”, dehan Fidélis.

Iha ne’e, permanese nafatin mós impozisaun no konfinamentu domisiliáriu ba ema hotu ne’ebé hela no daudaun ne’e iha munisípiu Baukau no Vikeke, exetu ba razaun ne’ebé mak antes ne’e define ona, liuliu ba razaun saúde, servisu, no ba asesu ba sasán no servisu primeira nesesidade nian. (*)

Rate this item
(0 votes)
Last modified on Monday, 29 March 2021 15:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter