Login to your account

Username *
Password *
Remember Me

CNRT Konsidera PGR 'Nega' Paradeiru Kalbuadi

Sekjer Partidu CNRT, Francisco Kalbuadi Lay wainhira Vizita Prezidente CNRT Kay Rala Xanana Gusmao hala'o check up iha Jakartak antes tama fins do ano  2020 Sekjer Partidu CNRT, Francisco Kalbuadi Lay wainhira Vizita Prezidente CNRT Kay Rala Xanana Gusmao hala'o check up iha Jakartak antes tama fins do ano 2020 Foto Suplai

Tempotimor(Dili) - Bankada CNRT iha Parlamentu Nasionál (PN) konsidera Prokuradór Jerál Repúblika (PGR), José da Costa Ximenes 'nega' matak paradeiru Sekretáriu Jerál partidu CNRT, Feancisco Kalbuady iha rai liur.

Deputadu Gabriel Soares hatete, deklarasaun PGR ne’ebé hatete iha mídia, dadaun Ministériu Públiku mós lahatene paradeiru Kompañeiru Francisco Kalbuadi Lay, mak bankada CNRT konsidera deklarasaun ne'e bosok povu.

Tanba ne'e, CNRT konsidera Prokuradór, José da Costa Ximenes, hasai deklarasaun nakonu ho nosaun polítika no interese pesoál relasiona ba kazu ne’ebé dirije ba Sekretáriu Jerál Partidu CNRT.

"Ami hatene durante ne’e Kompañeiru Francisco Kalbuadi Lay kolabora di’ak no informa ho transparente no regulár kona-ba ninia paradeiru no justifika ba Ministériu Públiku katak oras ne’e halo hela tratamentu saúde iha rai liur”, dehan nia liuhusi deklarasaun politika iha Parlamentu Nasional, segunda (29/03).

Bankada CNRT mós haree katak, durante ne'e Sekretáriu Jerál CNRT la hasees-án husi prosesu judisiál tanba kolabora no komunikasaun regulár ho Prokuradór Repúblika Titular kona-ba ninia kazu.

Parte seluk, CNRT mós kestiona pedidu ne’ebé hasai husi PGR hodi husu ba Tribunal Distrital de Díli (TDD) atu hasai mandadu Kapturasaun internasionál ba Sekretáriu Jerál CNRT, Francisco Kalbuadi Lay, maibé TDD rejeita pedidu Ministériu Públiku ne’e.

Mesmu nune'e, Prokuradór-Jerál mós kontinua hato’o rekursu ba Tribunal Rekursu kona-ba TDD nia desizaun maibé Tribunal Rekursu mós rejeita no mantein desizaun hanesan ho TDD tanba razaun legalidade.

Bankada CNRT lamenta ho Prokuradór Jerál ne’ebé la simu ka dezakredita fali desizaun Tribunal Rekursu nu’udar Tribunal ida a’as liu iha Timor-Leste liuhusi niaeintervista ho Jornalistas sira iha Pálasiu Prezidensiál.

Tanba, Prokuradór JerálRepúblika, José da Costa Ximenes, dala barak ona halo protesta, hatún Tribunal nia kredibilidade publikamente no hahalok Prokuradór Jerál nian ida ne’e la eduka povu atu respeita Tribunal.

Bankada CNRT preokupa no lamenta tanba Prokuradór Jerál nia deklarasaun ne’e hatudu indikasaun forte katak Prokuradór Jerál José da Costa Ximenes rai ódiu no vingansa pesoál hasoru Sekretáriu Jerál Partidu CNRT Francisco Kalbuadi Lay, no partidu, CNRT.

"Situasaun sira ne’e hatudu iha tendénsia katak, Prokuradór Jerál aproveita Ministériu Públiku hodi halo persegisaun polítika ba kuadru sira husi Partidu CNRT nian”, dehan nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter