“Tinan 2022 ida nian ne'e liliu ba UKL nian ba fulan-dezembru tinan kotuk tuir orsamentu ne'ebé mak PNDS atu implementa atividades ne'e iha 8 Milhões ne'ebé mak lori ba PN ba tinan ida ne'e nian. Maibé $8 Milhões no aumenta tan pur volta $63 Milhões ne'ebé aprova atubele implementa ba akividade Uma Kbi'it La’ek sira ba tinan ida ne'e”, dehan Claudinha iha nia Kna'ar Fatin, Villaverde-Dili, sesta (11/03).
Tinan 2022 ne'e, orsamentu pur volta 63 aumenta tan millaun $8, tanba ne’e, orsarnentu ne'ebé aprovadu ho totál hamutuk maillaun $71, atubele konstrui Uma Kbi'it Laek iha territóriu Timor laran tomak ho nia kuantidade uma hamutuk rihun-4.
“Prossesu ida ne'e ami la’o ona no ami tenke lao tuir ninia, siklu Implementasaun antes atu to'o implementasaun ami mós tenke la'o tuir etapa pur etapa”, esplika nia.
Tanba ne’e hahú sosializasaun ba etapa dahuluk iha fulan-janeiru hafoin sosializasaun suku mai kedas janeiru nian nune'e halo kedan transferénsia fundu operasionál ba suku nia konta bankária no formasaun ba ekipa sira hafoin aldeia sira halo determinasaun ba kandidatu benifisiar sira nune'e mak ekipa tun ba identifika kapasita ekipa sira maioria tama ona ba etapa ida númeru 7 no balun tama ona iha númeru 9 ne'ebé balun mós sei iha prosesu verifikasaun mais maioria hetan ona kandidatu sira ne'e no família hamutuk ema na'in-rihun-4.
Totál Uma Kbi'it Laek iha teritóriu Timor laran tomak iha 452 suku. Eseptu Dili laran, tanba iha área urbana nune'e la hetan, 18 suku iha Dili laran mak la hetan. Maibé suku sira seluk sei hetan hotu ne'e laiha asepsaun Aldeia mak seidauk kompletu tanba iha aldeia pur volta 2.300 ba tinan 2022.
Ba implementa hotu sei falta pur volta 6.009 Aideia mak seidauk implementa. Maibé iha tinan kotuk 2021, husi Parlamentu Nasionál aloka ba Sekretáriu Tékniku PNDS pur volta millaun 25 iha tinan kotuk atubele konstrui Uma Kbi’it La’ek iha teritóriu Timor inklui RAEOA iha 424 suku, ne'ebé mak implementa atividade ida ne'e.
Husi suku 424 ne'e identifika katak iha aldeia hamutuk 225, maibé ba tinan 2021 hetan orsamentu pur volta millaun 25 de'it, entaun sufisiénte de'it atubele implementa iha 424 Aldeia.
Maibé aldeia ida halo uma 3, nia progresu atinje ona pursentu 70 ba uma ka'in hamutuk 1.254 ne'ebé atinje ona 70%. Ba uma ka'in 1.254, iha uma 22 Manisípiu Bankau, iha Postu Administrativu Laga, Suku Soba seidauk implementa.
“Asesu dalan laiha no aat kauza husi akontesimentu udan boot iha fulan-abril liuba hodi rezulta dalan at hafoin mak ami seidauk bele ba implementa maibé dadus iha hotu ona”, informa nia.
Relatóriu kada Munisípiu hanesan Manatutu iha Postu Laklubar, Suku Fatuk Makerek no Suku seluk tan iha ne'eba hafoin akontesimentu inundasun iha fulan-abril liuba rezulta dalan kotu mak seidauk bele implementa.
“Prosesu sira ita la’o tiha ona no aprovizionamentu sira hala’o ona, mais atu mobiliza materiál konstrusaun mak la di’ak tanba dalan laiha. Suku ida tan iha Munisípu Lautein iha Postu Luro, Suku Wairoke nia aldea Alvu ne'e maske ita asesu dalan ba suku maibé la to’o iha aldea entaun implementasaun ne'e to’o iha suku de’it”, esplika nia.
Nune’e mós iha Covalima, Suku Usikai la assesu ba dalan, maibé projetu ne'e la'o nafatin no hela pursentu 30 maibé sei konkliu iha tempu badak.
“Kada semana rua ami kria dadus no ami sempre atualidade semana rua ba segunda feira mak ami-nia ekipa sira foin atualiza filafali mai bele sa’e ona ba pursentu 70 servisu ne'e la'o hela iha terenu”, hatete nia. (*)
