Login to your account

Username *
Password *
Remember Me

Austrália Sei Aloka Millaun AUD$20 ba Rekuperasaun Ekonómia iha Timor-Leste

Ministra Negósiu Estranjeiru no Kooperasaun (MNEK) Austrália, Penny Wong. Ministra Negósiu Estranjeiru no Kooperasaun (MNEK) Austrália, Penny Wong. Foto Suplay

Tempotimor (Dili)-Ministra Negósiu Estranjeiru no Kooperasaun (MNEK) Austrália, Penny Wong hatete, Governu Austrália kompromete sei aloka orsamentu millaun AUD$20 (dolar-australia) ba Governu Timor-Leste hodi enkaixa iha Orsamentu Jerál Estadu (OJE) atu finansia programa dezenvolvimentu no rekuperasaun ekonómiku iha rai laran.

“Austrália promete fó millaun AUD$20 ba Timor-Leste hodi enkaixa iha Orsamentu Jerál Estadu Timor-Leste nian, hodi Governu Timor-Leste bele utiliza ba selu labarik ne’ebé hetan bolsa da mãe jerasaun foun, inan isin rua, hala’o Programa Dezenvolvimentu Suku (PNDS)”, dehan Ministra Penny Wong, liuhusi konferénsia imprensa iha edifísiu MNEK, Praia dos Coqueiros, kinta (01/09).

Ba apoiu ida-ne'e mós atualiza ona ba Prezidente Repúblika, José Ramos Horta kona-ba importánsia husi Austrália nia apoiu hodi kapasita foinsae sira atu kompete iha merkadu traballu liliu kapasita traballadór timoroan sira atu ba servisu iha Austrália.

Pozisaun Governu Austrália ba apoiu ida-ne'e tanba Timor-Leste no Austrália hanesan nasaun viziñu, nune’e tenke hametin amizade no kooperasaun iha área oioin.

Husi orsamentu adisionál millaun AUD$20 ne’e sei uza hodi finansia programa asisténsia sosiál ho nia objetivu mak atu redúz mánutrisaun no pobreza iha Timor-Leste ne’ebé nia alvu prinsipál ba inan isin-rua no bebé foin moris to’o tinan rua.

Alende ne’e, millaun AUD$7 sei aloka ba Programa Nasionál Dezenvolvimentu Suku (PNDS) hodi uza ba hari’i infraestrutura bázika iha Suku sira hanesan klínika saúde, estrada, ponte, bee-moos, dranajen no irrgasaun.

Nune’e mós orsamentu millaun AUD$1,3 sei aloka ba Programa Mobilidade Laborál liuhusi hasa’e númeru traballadór Timoroan sira ne’ebé sei ba servisu iha Austrália no apoiu kontínua ba traballadór sira ne’ebé mak filafali ona mai Timor-Leste.

Enkuantu Orsamentu Austrália nian ba tinan fiskál 2022-2023, aloka orsamentu asisténsia dezenvolvimentu husi Austrália ba Timor-Leste hamutuk dólar australianu millaun $105,7 (troka ba Dolar Amerikanu millaun $73). Montante ne’e seidauk inklui Apoiu Orsamentu Direta adisionál millaun $20 ba tinan 2023. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter