"Kooperativa ne'ebé rejista iha Federasaun Hanai Malu (FHM) ne'e hamutuk iha 54 mak rejista ona ne'e duni sira ne'e mak sai membru FHM no sira espalla iha Timor laran tomak”, dehan nia iha kna’ar fatin FHM Bairopite, sábadu (12/03).
Kooperativa hirak ne'ebé mak sai ona membru ne'e FHM sei apoiu finansia kooperativa kréditu Uniaun sira hodi sira-nia atividade ba kooperativa nian.
"Alende ne'e FHM mós kontinua fó emprestimu ba membru FHM inklui mós kooperativa sira ne'e agora la'o hela hahú kedas ho sira-nia fundu inisiál ne'e kedas imprestimu la'o hela no agora ne'e sei hein hela no tetu nafatin sira-nia proposta ne'ebé iha”, afirma nia.
Ekipa FHM mós kontinua halo peskiza ba fatin membru kooperativa sira kuandu iha ona desizaun hafoin atribui emprestimu ba sira.
Tanba durante ne’e FHM mós hasoru obstakulu lubuk ida mak infraestrutura ba FHM rasik, nomós sei menus rekursu umanu, maibé sira sei kontinua esforsu atu fó kapasitasaun ba membru sira ne'ebé iha kapasidade másimu. (*)
