Tempotimor (Díli)- Deputadu Bankada Fretilin, David Dias Ximenes 'Mandati' husu Governu, atu aumenta tan kareta ambulánsia, iha Munisípiu Baucau, atu nune'e bele fasilita pesoál sira, hodi tula ema mate.

Tempotimor (Dili)-Iha tinan 2018, maske partidu CNRT, PLP no KHUNTO halai hamutuk hodi asegura kadeira 35 iha Parlamentu Nasionál (PN) no garante maioria, maibé ikus mai bainhira governu minoria ne’ebé forma husi Fretilin no PD monu, Prezidente Repúblika Francisco Guterres Lú Olo hili liu eleisaun antesipada duke fó fiar ba partidu tolu ne’e kaer ukun.

Tempotimor (Díli)-Hafoin fó pose ba membru Kooperativa Paulo VI, Sekretáriu Estadu Kooperativa (SEKoop), Elizário Ferreira enkoraja membru sira atu labele tauk hasoru dezafiu ne'ebé sei mosu iha oin.

Tempotimor (Díli)- Sekretária Estadu Kooperativa (SEKoop), Elizário Ferreira husu ba Inan Feton sira ne'ebé hela iha área rurál atu partisipa iha kooperativa, tanba maiória kooperativa hotu ne'ebé eziste iha Timor-leste (TL) laran tomak, feto sira nia dezempeñu di'ak liu.

Tempotimor (Dili)-Prezidente Republika (PR) Francisco Guteres 'Lú Olo' Fiar governu konstitusional daualu sei hasa'e hikas kapasidade produsaun iha seitor agrikultura, liu-liu kona-ba promove aihan.

Tempotimor (Dili)-Alumni Universidade da Paz (UNPAZ) konsidera Reitór UNPAZ Adolmando Amaral laiha kapasidade tan ne’e la merese ona atu kontinua lidera universidade ne’e.

Tempotimor (Díli)-Loron 12 Novembru nu'udar loron nasionál ba juventude (LNJ) Timor Lorosa'e, ne'ebé hela semana tolu hodi komemora loron loron nasionál ne'e mak Prezidente Komite 12 Novembru husu ba juventude sira estuda maka'as hodi sai lideransa di'ak iha futuru.

Liga ba loron istóriku ne'e, Grigório Saldanha akontesimentu Masakre Santa Kruz, nu'udar parte ida determinasaun TL nia ukun rasik aan, tanba iha akontesimentu ne'e mak mundu internasionál hatene katak TL presiza liberdade.

"Joven sira tenke estuda maka'as tanba sira tenke hamutuk, hadook aan husi violénsia, husi hemu alkohol, sigaru, maibé hanoin mak estuda, kalan labele hadeer demais," Gregório iha nia kna'ar fatin, Balide, Sábadu (17/10).

Gregório afirma, juventude tenke estuda nune'e bele sai duni forsa ida hodi hatutan istória ne'ebé eroi sira husik hela, no hatutan istória foun ho dezenvolvimentu ba rai no povu TL.

Nia hatutan, joventude uluk halo istória ba libertasaun TL to'o ohin independente ona, ita presiza hakat ba faze seluk.

"Faze tinan 20 ne'e faze independénsia, ita presiza jeneraliza, ita presiza hatutan ba ita nia oan sira. Aban bainrua ita mate ona, agora sé mak atu kontinua. Ita nia oan sira", dehan nia.

Entretantu, komemorasaun loron nasionál joventude 12 Novembru iha tinan 2020 nian sei komemora ba dala 29.(*)

Tempotimor (Dili)-Liga ba proporsaun jestaun rezerva ne'ebé faktu hatudu katak zero, maka Prezidente Timor Gap António José Loyola de Souza promete sei lidera Timor Gap ho estudu ne'ebé kle'an ba proporsaun aubstituisaun rezerva mina nian.

Tempotimor (Dili)-Timor-Leste ne'ebé ukun aan tinan 18 ona maibé maiória populasaun kontinua hela iha nakukun no la sente dezenvolvimentu, maka liderensa Timor Gap husu ba ema hotu atu ezije ba lidér nasionál sira hamutuk.

Tempotimor (Dili)-Maske tratadu tasi Timor nian loos ona, maibé atu lori Greater Sunrise mai Timor-Leste parte kosta sul nian la'ós fasíl, tanba legalidade lubuk mak seidauk iha.

Nune'e, Prezidente Konsellu Administrasaun Autoriedade Nasionál Petroleu no Minerais (ANPM) Florentino Mateus Soares Fereira katak, kuandu la presiza legalidade sira no hakarak servisu diretamente maka sei han tinan ualu, maibé presiza legalidade sira, sei liu tinan 10.

"Rejime ida ne'e rekere ita atu hatur enkuadramentu legál sira, tanba ne'e mak ami bolu komesa husi kódigu mineiru petrolíferu nian, tributária no lei komplementár sira, nune'e iha termu jurídiku legál nomós tributária fiskais sira bele preparadu," dehan Prezidente ANPM Florentino Mateus Soares Fereira iha Kampus UNITAL, Sábadu (17/10).

Nia mós dehan, iha enkuadramentu legál ba GS, presiza halo kazamentu ba lei Timor-Leste no Australia. "Iha tejime legál ita koko atu fó kaben ba lei rua, lei Australia nian ne'ebé ema bolu lei komun maibé iha Timor ita bolu lei sivíl.

Lei rua ne'e nia sistema la hanesan, entaun ami halo tiha ona iha aranjamentu tranzisaun ne'ebé muda kampu sira husi teritóriu Australia nian mai teritóriu Timor-Leste," nia dehan.

Lider ANPM mós afirma, kampu sira hanesan kitan, Bayu Undang, 1109, ida ne'ebé bolu 1911 ne'e no kampu sira seluk muda ona mai teritóriu TL.

"Bainhira ami muda kampu sira ne'e mai, ami deskute ho Australia sira kona-ba enkuadramentu legál sira atu haree oinsa lei rua ne'e ita halo sai ida de'it, maibé la fó prezudikasaun ba empreza sira nomós estadu, entaun prosesu ne'e mós ita sei halo ba Greater Sunrise, tanba GS ne'e kampu foun loos," dehan Florentino.

Nia subliña, bainhira prosesu kazamentu ba lei rua ne'e hotu ona, presiza produz tan kontratu partilla produsaun ida ne'ebé iha laran sei prevé nia kondisaun oinsa atu dezenvolve kampu GS ne'e, tanba ne'e la'ós fasil.

"Prosesu hotu presiza iha Komisáriu rua husi TL no rua husi Australia para asina akordu, depois lori ba Timor Gap ho nia operadór sira asina kona-ba prosesu dezenvolvimentu nian, tanba ne'e ita la'ós sik de'it katak, ohin ka aban, maibé ne'e prosesu ida ne'ebé involve legál, komersiál no tékniku," nia dehan.

Entretantu kalendáriu ne'ebé iha ona katak, prosesu lei sira sei finaliza iha tinan oin, maibé depende ba diskusaun entre tékniku husi TL no Australia.

"Kona-ba PMC ami prevé ba dezembru tinan ne'e, maibé la'ós PMC de'it mak iha laran, lei komplementár mós iha, PSC, entaun agora iha ona esbosu, ami bele finaliza, maibé ba oin mak PSC ami konsege asegura ho empreza ba tinan oin," dehan nia.

Liga legalidade sira ne'e, nia mós dehan, kuandu ita asina kontratu ida mak la presiza legalidade ka servisu diretamente ita sei gasta tinan ualu hodi halo produsaun ba gas, entaun hamutuk ho prosesu legalidade ne'e bele liu tinan 10, tanba atu finaliza legalidade de'it bele atinje to'o tinan rua ka tolu inklui atu halo kontrusaun presiza gasta tinan ida ka rua halo konstrusaun.(*)