Dezenvolve TL, Prezidente Timor GAP Husu Lider Sira Hamutuk

Lider Nasionál sira foto hamutuk iha tempu balun ba kotuk. Lider Nasionál sira foto hamutuk iha tempu balun ba kotuk. Foto Supply

Tempotimor (Dili)-Timor-Leste ne'ebé ukun aan tinan 18 ona maibé maiória populasaun kontinua hela iha nakukun no la sente dezenvolvimentu, maka liderensa Timor Gap husu ba ema hotu atu ezije ba lidér nasionál sira hamutuk.

Tuir Prezidente Timor Gap, António José Loyola de Souza katak, atu kria kondisaun di'ak, presiza hamutuk.

"Hanesan sidadaun ida, ami fó ami nia opiniaun katak, ita atu kria kondisaun ida ne'ebé iha estabilidade ekonomia, seguransa no defeza para garantia ba invetidór sira ne'ebé atu mai," dehan Prezidente Timor Gap iha Kampus UNITAL, bainhira remeta aprezentasaun ba estudante sira kona-ba servisu Timor Gap nian, Sábadu (17/10).

Nia mós dehan, hanesan ema tékniku laiha kapasidade atu ko'alia kona-ba unidade loderansa nian, maibé hanesan sidadaun iha obrigasaun atu fó hanoin, tanba ita iha hela empase polítika.

"La'ós ami de'it, maibé ne'e ita hotu, husu ba sira hamutuk para ita hotu esforsu hodi halo dezenvolvimentu, tanba dezenvolvimentu mak ita-nia inimigu boot, oinsa atu atinje prosperiedade ba Timor-Leste," dehan Nia.

Nia mós dehan, dezenvolvimentu iha TL la'ós lidér fahe malu mak sai impedimentu, maibé presiza hamutuk duni.

"Ha'u laiha kapasidade hodi dehan lider mak sai impedimentu ba dezenvolvimentu, tanba ha'u ema enjiñeiru, ema tékniku iha Timor Gap, maibé hanesan sidadaun ida, ne'e ita-hotu nia preokupasaun," katak Nia.

Entretantu tuir observasaun www.tempotimor.com nian iha terenu katak, dadaun ne'e lider sira ida-idak la preokupa ba malu, to'o lider balun fokus liu ba sosializasaun Covid-19 no asaun karitativu, balun fokus ba servisu governu no balun fokus ba deklarasaun polítika iha média sosiál facebook.(*)

Rate this item
(0 votes)
Last modified on Saturday, 17 October 2020 18:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.