Login to your account

Username *
Password *
Remember Me
Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Tempotimor (Dili)-Diretór Ezekutivu Fundasaun Mahaein (FM) João Almeida husu ba governu atu foti pistola ne’ebé sosa ona ba Polisia Sientifiku Investigasaun Kriminal (PSIK) no intrega ba Polisia Nasionál Timor-Leste (PNTL) no F-FDTL hodi utuliza.

Comment

Tempotimor (Dili)-Bankada CNRT iha Parlamentu Nasional (PN) sei la kestiona desizaun Primeiru Ministru Taur Matan Ruak, ne'ebe tuir planu sei delega Vise Ministra Finansa (MF) hodi aprezenta proposta Orsamentu Jeral Estadu 2021 ba parlamentu nasional.

Comment

Tempotimoe (DILI)-Deputadu husi bankada CNRT Patrociono Fernandes konsidera governu ne’ebé lidera husi Primeiru Ministru Taur Matan Ruak la preokupa oha ho lei, tanba importante ba sira mak hetan votus maioria iha Parlamentu Nasionál.

Comment

Tempotimor (Dili)-Bainhira governu fasilita di’ak liu tan kreditu ba emprezariu Timor-oan sira, iha garantia katak importasaun sasan husi rai li’ur bele menus ona.

Comment

Tempotimor (Dili)-Desizaun governu ne’ebé lidera husi Primeiru Ministru Taur Matan Ruak hodi sosa pistola ba Polisia Sientifiku Investigasaun Kriminal (PSIK) sai preokupasaun, tanba iha posibilidade atu hamosu ameasas no perigu ba sidadaun, inklui hamosu ego sektoral entre institusaun estadu.

Comment

Tempotimor (Dili)-Maske estadu aplika ona multa ba ema ne’ebé halo movimentu illegal iha fronteira rai-maran no husu komunidade sira ne'ebe atu fila mai Timor-Leste presiza aprezenta a'an iha Konsuladu iha Atambua , maibé atividade ne’e kontinua akontese. Iha semana ne’e nia laran, autoridade iha fronteira konsege kaptura sidadaun Timor-Leste ne’ebé tama illegal husi Atambua.

Comment

Tempotimor (Dili)-Primeiru Ministru Taur Matan Ruak hatete, iha Orsamentu Jerál Estadu (OJE) 2021 ne'ebé tuir planu sei aprezenta ba Parlamentu Nasionál, ohin, ho montante billaun $1.895, pursentu boot liu sei aloka ba seitór krusial sira.

Comment

Tempotimor (Dili)-Relasiona ho polémika ba rezignasaun Ministru Finansas (MF) Fernando Hanjam, Primeiru Ministru (PM) Taur Matan Ruak hatete katak, nia seidauk simu karta rezignasaun husi Ministru Hanjam, maibé nia mak haruka de’it ministru ne’e deskansa.

Xefe Governu ne’e dehan, maske informasaun ne’e esplla ona iha media balun, maibé to’o ohin nia seidauk simu karta rezignasaun husi MF Hanjam.

"Ha'u seidauk simu karta rezignasaun, maibé buat saida mak ha'u fó autorizasaun mak señor ministru kontinua lai estadu konavalesensia ka deskansa iha uma, tanba nia saúde la permite atu kontinua nia servisu," dehan PM Taur iha Palásiu Prezidensiál Bairru-pite, Kinta (15/10).

Hafoin rekupera nia saúde, PM Taur hatete, mak sei haree oinsa atu hala’o serbisu.

"Agora nia moras, ne'ebé hela de'it iha uma, depois nia di'ak ona mak ita haree ninia servisu.”

"Nia moras saida ne'e ha'u labele ko'alia iha ne'e, maibé ne'e médiku sira hatene, buat ne'ebé ha'u hatene mak nia saúde la permite," dehan PM.

Bainhira ministru sei deskansa, PM Taur hatutan, kompeténsia Ministériu Finansas nian delega ba vise ministra Sara Lobo Brites.

Entretantu tuir observasaun, sorumutuk KROP ba OJE 2021, Ministru Hanjam partisipa dala rua de'it hafoin moras, Vise Ministra Sara Lobo maka kontinua partisipa to'o remata. (*)

Comment

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Jeronimo ofisilmente asina ona akordu ho xefi suku Lore 2, postu administrativa lospalos, Munisípiu Lautem, kona-ba implementasaun Programa Naroman no dezenvolvimentu Suku (PNDS).

Hafoin remata asinatura, Ministru Francisco hatete, asinatura ba programa naroman suku ida ne'e, nu'udár kontinuasaun ida husi programa sira ne'ebé antes ne'e la'o ona no iha mos ninia benifisia dezenvolvimentu ba suku.

"Nia kuantidade ne'e la boot, la'os osan boot, ajuda ita boot sira atu halo atividade ida ne'e, husi tinan ba tinan halo avaliasaun kuandu buat ne'e la'o diak, ami sei aumenta,"dehan ministru Feancisco Jeronimo iha palasiu governu, kuarta (14/10).

Emprinsipiu Governu sei tau matan no apoiu suku sira, karik hanesan tinan sira tuir mai sei la'o nafatin, importante programa ne'e, tenke iha relatoriu atu justifika atividade ne'ebé suku sira halo.

Progrma refere, estadu atu hetan konfiansa husi suku, presiza iha justifikasaun ba ezekusaun osan, tan ne'e, presiza halibur invois, fotografia husi implementasaun ba atividade.

"Tanba, kuandu ita boot sira halo ida ne'e, tenke iha fotografia no justifikasaun, imi halo reuniaun ruma karik, ou halo serbisu ruma hamutuk ho joven sira, no komunidade, ida ne'e ita boot sira nia serbisu, maibé tenke iha mos evidensia, atu bele fo fiar nafatin ba estadu liu-liu ba governu katak, atividade ne'e la'o ba oin,"dehan nia.

"Maibé primeiru mak responsabilidade, tanba ida ne'e governu nia programa, buat hotu ba baze, la hela iha ne'e, 2021 agora ne'e barak duni kuaze osan tomak ne'e ba hotu iha kraik, ne'ebé ida ne'e mak ita sei halo, "Nia akresenta

Nune'e, Nia mos husu ba xefe suku lore atu kuidadu halo didiak, karik governu apoiu fundu ba suku lore 2, tenke ezekuta programa sira ne'e ho didiak.

Entretantu akordu ne'e, hetan asina direita husi Ministru Asuntu Parlamentar no Komunikasaun Sosial, inklui xefi suku Lore 2 Armando de Jesus iha Gabinte MAPKOMS, Palasiu Governu. (*)

Comment

Tempotimor (Díli)-Liga ba produsaun pontus ezame nasionál ba finalista sira husi ensinu báziku no ensinu sekundáriu no ensinu tékniku vokasionál iha teritóriu Timor-Leste tomak, mak Ministériu Edukasaun Juventude no Desportu (MEJD) husu ona ba Polísia Nasionál Timor-Leste (PNTL) ati halo seguransa bainhira prodús hela matéria sira ne'e.

Pontus ezame ne'ebé dadaun ne'e MEJD produz ba finalista husi ensinu báziku, ensinu tékniku vokasionál no ensinu sekundáriu sira ne'e produz iha printing Silvia Dili, tanba nu'udar kompañia ne'ebé manan iha tenderizasaun hodi halo imprime ba pontu ezame sira ne'e.

Tuir Komandante PNTL Munisípiu Díli, Superindente Xefi Henriques da Costa katak, PNTL simu ona karta husi MEJD hodi husu apoiu polísia nian atu apoiu seguransa ba prodúz pontu ezame finál ba tinan 2020.

"Loos, ita hetan ona karta no ita orienta ona eskuadra Vera Cruz, para halo movimentu ba iha fatin impríme ninian, atu nune'e bele halo seguransa iha ne'ebá," hatete Henriques nia knaar fatin Kaikoli, Kuarta (14/10).

Komandante ne'e afirma, maske MEJD husu PNTL atu halo seguransa, maibé seguransa ne'e la to'o oras 24.

"PNTL sei la koloka seguransa ba 24 oras, tanba MEJD rasik iha ona sira-nia seguransa ne'ebé kolokadu iha ne'ebá, entaun ita-nian patrulla, ita halo movimentu iha ne'ebá, para atu nune'e bele kontrola, tanba karta ne'e ita foin simi horseik," dehan nia.

Entretantu orsamentu ne'ebé MEJD uza hodi halo kontratu ho kompañia Silvia Dili hodi halo imprime ba pontu ezame sira ne'e hamutuk dolar rihun $385 no durasaun ba imprime pontu ezame sira ne'e sei hala'o durante semana tolu nia laran.(*)

Comment

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter