Tuir Elizário, bainhira hasoru dezafiu, hanoin katak oportunidade fou hodi esforsu aan para alkansa mehi ka metas kooperativa nian.
"Iha dezenvolvimentu kooperativa, dezafiu labele sai obstákulu, tanba ne'e dezafiu tenke nakfilak ba oportunidade. Iha kríze, ita atu aprende, atu rezolve," dehan Elizário ba membru kooperativízmu foun sira iha Koléziu Paulo VI Akadiru-hun, Sesta (16/10).
Nia mós dehan, dezafiu tenke nakfilak ba oportunidade, hodi hatete, "sé la-ós ha'u, sé tan. Sé la'ós ohin, bainhira tan.
"Atu hatete saida, sé ha'u la hahú, laiha ema ida hahú. Sé laiha ema ida organiza, sei laiha ema organiza", tenik nia.
Governante ne'e mós fiar katak, husi rejistasaun koperativa Koopas kooperativa kréditu union, sei sai boot liután. Bainhira kada tinan rejistu ema 100, basta de'it membru sira hatama $.100 ema na'in 100 bele hetan rihun $.100, maibé ema 300, bele hetan to'o rihun $. 300.(*)